«Я памятаю свой шок, а мне кажуць: «Зламалі». Лукша расказаў, як запісвалі відэа з Кастусёвым пасля выбараў-2010
У новым выпуску ТОКу былы вядучы «Зоны Х» і былы палітзняволены Дзмітрый Лукша падзяліўся сваімі ўражаннямі ад таго, як хутка спецслужбы могуць зламаць чалавека.
Дзмітрый Лукша згадвае, што быў рэпарцёрам і асвятляў падзеі «Плошчы-2010». Ранкам наступнага пасля прэзідэнцкіх выбараў дня, 20 снежня 2010 года, яму давялося запісваць зварот кандыдата ў прэзідэнты Рыгора Кастусёва, які з палітыка выбівалі сілавікі.
«Прывозяць Кастусёва. І ў мяне яшчэ працуе наіўнасць, нейкае неразуменне ў тым плане, што ўчора я працаваў на Плошчы. Ноччу я бачыў Кастусёва, які стаіць на трыбуне і гаворыць нейкія лозунгі. А тут ён прыязджае і гаворыць: «Так, як мне лепей стаць? Я зараз дам інтэрв'ю».
Я памятаю свой шок. Што адбываецца? Я задаю пытанне чалавеку, які яго прывёз: «Прабачце, а як так?» І ён мне цалкам спакойна гаворыць: «Зламалі»,
— расказвае Лукша і дадае, што для яго было вельмі дзіўным назіраць, як хутка чалавек можа змяніцца.
Кастусёў тады заявіў, што разгон Плошчы-2010 выгадны Расіі, што ў прынцыпе адпавядала пазіцыі Беларускага народнага фронту, які ён прадстаўляў. З часам Кастусёў аднавіў актыўную палітычную дзейнасць, узначаліў БНФ. У 2021 годзе быў арыштаваны за ўдзел у «змове», быў прысуджаны да 10 гадоў зняволення. За кратамі ў Кастусёва выявілі анкалогію, ён выйшаў па памілаванні 3 ліпеня 2024 года — у адзін дзень з Дзмітрыем Лукшам, які таксама стаў палітвязнем.
***
Дзмітрый Лукша нарадзіўся ў 1989 годзе. У канцы 2000-х і першай палове 2010-х працаваў на БТ, быў вядучым «Зоны Х».
У 2020 здымаў пратэсты для казахстанскага тэлеканала «Хабар». У 2022 быў арыштаваны і прысуджаны да 4 гадоў зняволення за ўдзел у дэманстрацыях і «дыскрэдытацыю Беларусі». Разам з ім была асуджаная яго жонка Паліна Палавінка. Адбываў пакаранне ў калоніі ў Шклове.
Вызваліўся 3 ліпеня 2024 года па памілаванні адначасова з жонкай, пасля чаго сям’я з’ехала ў Польшчу.
Глядзіце цалкам:
Як 2020 год паламаў жыццё Алега Гайдукевіча. Ні сям’і, ні палітычных перспектыў, і толькі той у руцэ14
Каментары
Тыя хто ачунял падчас " 2020" ні ведаюць усю падаплеку 2010.
Ні ведаюць як Рыгору прапанавалі 100т$ каб ен зняўся на карысць іньшага кандыдата якога " падтрымлівала рф" .Кто заклікаў да " штурма" як паводзілі іньшыя ..
І насамрэч нічога " супраць іньшых кандыдатаў" Рыгор ні казаў... ітаму быў абраны кіраўніком БНФ зноў