«Ён ужо дома». Дачка Рыгора Кастусёва расказала пра першую гутарку з бацькам пасля вызвалення
На волю выйшаў палітзняволены старшыня БНФ Рыгор Кастусёў. Дачка палітыка Галіна Антончык падзялілася з «Нашай Нівай» першымі эмоцыямі ад гутаркі з бацькам.
Пакуль што Галіна паспела сазваніцца з бацькам толькі на некалькі хвілін:
«Пабачылі адно аднаго, усе расхваляваліся, расплакаліся. Мы пабачылі, што ён дома, усё добра».
Паводле словаў Кастусёва, яго вызваленне звязанае з амністыяй. Пра стан здароўя палітыка пакуль што нічога не вядома:
«Я бачыла толькі яго твар. Чалавек, якога адпусцілі, дакладна будзе задаволены. І ён вельмі добра выглядаў, усміхаўся, бо апынуўся дома і пабачыў родных. Ён быў, канечне, вельмі рады апынуцца на волі.
Ніякіх іншых пытанняў я яму не задавала. Як ён сябе адчувае, што ён будзе рабіць — гэта ўсё пасля, бо цяпер усе на эмоцыях. Добра, што ён ужо дома, дома і сцены лечаць».
«Наша Нiва» — бастыён беларушчыны
ПАДТРЫМАЦЬ
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
Асабіста я гэтым задаволены.
Здароўя вам спадар Рыгор.