39-гадовы жыхар Брэста спрабаваў непрыкметна правезці праз мяжу вялікую суму наяўных грошай, але мытнікі яе знайшлі і канфіскавалі.
Мужчына вяртаўся аўтобусам з Польшчы ў Беларусь праз памежны пераход «Варшаўскі мост». З сабой ён меў €109 000, хоць паводле беларускіх законаў без дэкларавання можна ўвозіць толькі $10 000.
Як сцвярджае Генпракуратура, берасцеец збіраўся выкарыстаць грошы для куплі аўтамабіля, але цяпер яму ад гэтых намераў, відаць, давядзецца адмовіцца. Суд аштрафаваў яго на 400 базавых велічынь (16 000 рублёў), а выяўленыя €109 000 былі канфіскаваныя ў даход дзяржавы.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары