56-гадовую палітзняволеную з Пружанаў, у якой дачка сядзіць, а зяць адседзеў, адпусцілі на хатнюю хімію
Таццяну Васільеву пакаралі за інтэрв'ю «Белсату» ў 2021 годзе.
У канцы снежня 2024 года вярнулася дадому палітзняволеная з Пружанаў Таццяна Васільева.
56-гадовую жанчыну затрымлівалі ў студзені 2024 года падчас рэйду КДБ за дапамогу палітвязням. Тады абмежаваліся адміністратыўкай за «атрыманне замежнай бясплатнай дапамогі».
А ў жніўні 2024 года да яе прыйшлі зноў. Васільеву арыштавалі за інтэрв'ю тэлеканалу «Белсат» у 2021 годзе і адправілі ў брэсцкі СІЗА. Яе палічылі вінаватай у «садзейнічанні экстрэмісцкай дзейнасці» (ч. 1 арт. 361-4 Крымінальнага кодэксу).
Працэс над Васільевай адбыўся ў другой палове снежня 2024 года ў Брэсцкім абласным судзе.
Суддзя Мікалай Сянько пакараў яе 2 гадамі хатняй хіміі і вызваліў у зале суда.
Дачку Васільевай — палітзняволеную бібліятэкарку Юлію Лаптановіч — утрымліваюць за кратамі больш за 3 гады. Муж Юліі, будаўнік Ігар Лаптановіч, якога таксама асудзілі па палітычнай справе, атрымаў два з паловай гады, цалкам адбыў тэрмін пакарання і выйшаў на волю. У сям'і Лаптановічаў трое дзяцей.
Каментары
Одобряет преследование многодетных отцов, матерей и даже бабушек? Одобряет отъём матерей, отцов, бабушек у троих детей?