Кіно

Прадзюсары Джэймса Бонда перадалі кантроль над франшызай Amazon

Апошняя 25-я стужка франшызы «Не час паміраць» выйшла ў 2021 годзе і стала фінальным фільмам для Дэніэла Крэйга ў ролі Бонда. З таго часу фанаты і крытыкі гадаюць, хто стане новым агентам 007.

Барбака Брокалі і Майкл Уілсан. Фота: AP Photo/Chris Pizzello, File

Барбара Брокалі і Майкл Уілсан, якія шмат гадоў займаліся прадзюсаваннем фільмаў пра Джэймса Бонда, перадалі крэатыўны кантроль над франшызай Amazon MGM Studios, піша Бі-бі-сі

Amazon MGM Studios — кампанія, што ўзнікла пасля набыцця кінастудыі MGM тэхналагічным гігантам Amazon у 2022 годзе. Цяпер менавіта яна будзе мець поўны кантроль над тым, хто сыграе легендарнага агента 007 у новых фільмах.

Аднак на гэты момант няма ніякай інфармацыі пра тое, калі назавуць новага акцёра або калі пачнуцца здымкі чарговага фільма.

Апошняя, 25-я стужка франшызы, «Не час паміраць», выйшла ў 2021 годзе і стала фінальным фільмам для Дэніэла Крэйга ў ролі Бонда. З таго часу фанаты і крытыкі гадаюць, хто стане новым агентам 007.

Барбара Брокалі і Майкл Уілсан — дачка і прыёмны сын першага прадзюсара франшызы Альберта «Кэбі» Брокалі — застануцца суўладальнікамі праекта.

«Пасля амаль 60 неверагодных гадоў працы над агентам 007 я адыходжу ад прадзюсавання фільмаў пра Джэймса Бонда, каб засяродзіцца на мастацтве і дабрачынных праектах», — гаворыцца ў заяве 83-гадовага Уілсана.

64-гадовая Брокалі таксама заявіла, што для яе настаў час заняцца іншымі справамі.

«Для нас вялікі гонар працягваць гэту каштоўную спадчыну, і мы з нецярпеннем чакаем магчымасці прадставіць новую фазу легендарнага агента 007 гледачам ва ўсім свеце», — адзначыў кіраўнік Prime Video Amazon MGM Studios Майк Хопкінс.

У мінулым годзе Amazon ужо запусціў рэаліці-шоу «007: Дарога да мільёна», першы афіцыйны спін-оф фільмаў пра Джэймса Бонда.

Альберт Брокалі запусціў легендарную франшызу ў 1962 годзе разам з прадзюсарам Гэры Зальцманам. Майкл Уілсан далучыўся да працы над фільмам «Від на забойства» ў 1985 годзе, а Барбара Брокалі стала прадзюсарам франшызы з фільма «Залатое вока» ў 1995 годзе.

З таго часу Уілсан і Брокалі цалкам кантралявалі вытворчасць фільмаў пра Бонда, але цяпер франшыза афіцыйна пераходзіць пад крыло Amazon.

Каментары

Цяпер чытаюць

Ці пагражае Крыму блакада праз паралізаваны Крымскі мост?2

Ці пагражае Крыму блакада праз паралізаваны Крымскі мост?

Усе навіны →
Усе навіны

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

больш чытаных навін
больш лайканых навін

Ці пагражае Крыму блакада праз паралізаваны Крымскі мост?2

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць