Грамадства2222

У Беларусі хочуць вярнуць адказнасць за нецэнзурную лаянку

Мітрапаліт Веніямін лічыць праблему брыдкаслоўя вельмі вострай. 

Вядучы СТБ Грыгорый Азарэнок сварыцца. Скрыншот са стрыму

Сустаршыня грамадскай рады па маральнасці мітрапаліт Веніямін расказаў, што ў Беларусі абмяркоўваецца ўвядзенне адказнасці за нецэнзурную лаянку.

Паводле слоў прадстаўніка БПЦ, праблема брыдкаслоўя сярод моладзі адна з самых вострых, піша БелТА.

«Публічнае выкарыстанне лаянкавых, нецэнзурных слоў настолькі распаўсюдзілася ў сучасным грамадстве, што захапіла нават самыя маладыя розумы і вусны. Падобныя словы ўжываюць дзеці, школьнікі, моладзь, прычым не толькі хлопцы, але і дзяўчаты. У праваслаўнай царкве прыхільнасць да брыдкаслоўя проста называецца грахом. Са смуткам можна адзначыць, што ў цяперашні час сваю мову ад злых і нецэнзурных слоў не захоўваюць вельмі і вельмі многія, брыдкаслоўе набывае масавы характар», — лічыць Веніямін.

Па яго словах, Царква звярнулася да Інстытута сацыялогіі НАН і Беларускага камітэта маладзёжных арганізацый з прапановай правесці даследаванне аб уплыве на грамадства, асабліва на дзяцей і моладзь, нецэнзурнай мовы і рэкламы азартных гульняў.

«Таксама цяпер ажыццяўляецца рэалізацыя ініцыятывы рады па ўключэнні ў тэматыку адзіных дзён інфармавання насельніцтва Беларусі тэмы чысціні мовы. Абмяркоўваецца як адзін са сродкаў прапанова ўвесці ў заканадаўства адказнасць за нецэнзурную лаянку, падобна да той нормы, якая існавала раней», — адзначыў мітрапаліт.

А пакуль рада па маральнасці збіраецца правесці моладзевы конкурс сацыяльных ролікаў аб чысціні мовы і шкоднасці ненарматыўнай лексікі, а таксама круглы стол з чыноўнікамі.

«Сумесна з прадзюсарскім цэнтрам «Белраскіно» плануецца стварыць і распаўсюджваць у маладзёжных сацыяльных сетках тэматычныя сацыяльныя ролікі, прысвечаныя прафілактыцы брыдкаслоўя, ужывання энергетычных напояў і іншых тавараў, здольных нанесці шкоду здароўю, захаплення азартнымі гульнямі», — сказаў Веніямін.

Адказнасць за нецэнзурную лаянку была прадугледжаная Кодэксам аб адміністрацыйных правапарушэннях да 2018 года. Затым у законы ўнеслі папраўкі, і згадка пра нецэнзурную лаянку знікла з артыкула аб дробным хуліганстве.

Пры гэтым у КаАП засталася артыкул аб абразе, у тым ліку ў публічным выступленні, у СМІ або ў інтэрнэце з адказнасцю ад дзесяці да двухсот базавых велічынь. Яна, праўда, не працуе ў выпадку з некаторымі вядучымі дзяржаўных тэлеканалаў.

Каментары22

  • Someone
    28.03.2025
    Савецкі поп будзе лячыць душы з дапамогай КаАП
  • Пракоп
    28.03.2025
    Ментов не трогать ( кубраков б...дь )
  • Filipp
    28.03.2025
    Не благая ідэа.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны42

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць