Ён сапраўды пакуль не вырашыў і абмяркоўвае пытанне з сям'ёй.

Віцэ-прэзідэнт ЗША Джэй Дзі Вэнс прыме канчатковае рашэнне наконт удзелу ў прэзідэнцкіх выбарах 2028 года толькі пасля Новага года. Публічна абвясціць пра свае планы ён можа толькі ў канцы вясны, паведамляе Axios.
Паводле звестак суразмоўцаў выдання, Вэнс сапраўды яшчэ не вырашыў, ці будзе балатавацца, і абмяркоўвае гэта са сваёй сям'ёй, у тым ліку з жонкай Ушай пасля нараджэння іх чацвёртага дзіцяці. Як адзначаюць крыніцы, такі графік прыняцця рашэння склаўся яшчэ да прамежкавых выбараў.
Яшчэ адна прычына — Трамп. У камандзе Вэнса асцерагаюцца, што занадта ранні старт выбарчай кампаніі адцягне ўвагу ад дзейнага прэзідэнта і можа выклікаць у яго раздражненне.
Вэнс застаецца галоўным прэтэндэнтам на вылучэнне кандыдатам ад рэспубліканцаў.
Яго саюзнікі звяртаюць увагу на сетку донараў, палітычную інфраструктуру і пазнавальнасць. Ён стаў сузаснавальнікам сеткі Rockbridge, якая можа стаць асновай яго кампаніі па зборы сродкаў, а таксама мае сувязі з Пітэрам Тылем, Дэвідам Саксам і Іланам Маскам.
Аднак параза рэспубліканцаў на прамежкавых выбарах дала аргументы тым, хто хоча адысці ад палітычнага курсу Трампа. Акрамя таго, Вэнсу, верагодна, давядзецца адказваць за дзеянні цяперашняй адміністрацыі.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары