Элементы маўрытанскага стылю. У тэатры імя Горкага расказалі, як зменіцца ягоны будынак
Рамонт мінскага тэатра імя Максіма Горкага сталічныя ўлады плануюць завяршыць ужо ў наступным годзе, паведамілі ў эфіры тэлеканала СТБ.
У выніку рамонту знешняе аблічча тэатра, як сцвярджаецца, значна памяняецца.
У ім ўжо правялі работы па дэмантажы. Ідзе пракладка новых інжынерных сетак, залітыя падлога і бетон пад аснову для новага ганка. Рабочыя правялі гідраізаляцыю падмурка, замянілі дах і пачалі ставіць сцэнічную механіку.
У эфіры тэлеканала расказалі, што галоўны фасад тэатра атрымае элементы маўрытанскага стылю, а на ўваходнай групе з'явяцца афішныя слупы і ляпніна.
«Не так даўно быў праведзены капітальны рамонт у 2021 годзе, але ён быў кропкавы, мы закранулі толькі планшэт сцэны і светлавое абсталяванне, у тэатры кульгаў гук», — канстатавала першая намесніца дырэктара тэатра Наталля Грамыка.
Паводле яе слоў, пасля рэканструкцыі ў тэатры з'явіцца высакакласнае гукавое абсталяванне, якому трэба прайсці спецыяльныя акустычныя выпрабаванні.
«Верхняя механізацыя штанкетных гаспадарак у нас будзе новая, яна ў нас была супрацьвагавая, будзе пераведзеная ў вертыкальнае, будзе лёгкая ва ўпраўленні», — удакладніла намесніца дырэктара.
Наталля Грамыка асабліва адзначыла, што цяпер гэтым абсталяваннем можна будзе кіраваць з першага паверха, а раней супрацоўнікам тэатра даводзілася кіраваць механікай на пераходных мастках.
Калі ўсе работы ў тэатры будуць завершаныя, у глядзельнай зале паставяць 380 камфортных крэслаў. На столі з'явіцца аўтэнтычны роспіс, а на партале сцэны адновяць ляпніну.
«Для наведвальнікаў адкрыюць раней недаступную частку фае. Таксама адновяць гістарычны роспіс на цокальным паверсе. Завяршыць рамонт плануюць да лютага 2026 года», — падкрэслілі ў сюжэце СТБ.
Цяпер чытаюць
Памерла 45-гадовая экс-палітзняволеная Тамара Каравай. Летась яе вызвалілі па памілаванні14
Каментары
budynak treba vjarnuć habrejam !
а религия - оксикодон для народа. архитектурные памятники должны служить всем.
Voźmiem architekturny pamiatnik epochi Chruščova. Heta što ž, maja kvatera ŭ chruščoŭcy pavinna služyć usim ? Dudki, jana maja! Ja ŭlaśnik !
Tak i z sinahohaj toj, viercie-niaviercie, a haspadar (adzin, ci plojma) u jaje byŭ, i jon vyrašaŭ, kamu služyć jahonaja ŭlasnaść. Z hetaha i treba zychodzić...
Voś kali haspadar(ulasnik, adzin, ci plojma) admovicca ad jaje - tady inšaja sprava, tady mahčymy varyjanty. Alie ž admovy nie bylo...