Нападніцу затрымалі.
Сёння, 1 мая, украінскі актывіст і валанцёр Сяргей Сцярненка паведаміў у сваім тэлеграм-канале, што на яго быў учынены напад.
«На мяне здзейснены напад. Паранены». Пазней ён дадаў, што пагрозы жыццю няма, а нападніцу затрымалі
«Дзякую СБУ за імгненную рэакцыю», — адзначыў ён адразу.
СБУ пацвердзіла, што нападніцу затрымалі, у яе быў пісталет.
На Сяргея Сцярненку ўжо былі напады раней. Гэта адбылося тройчы ў 2018 годзе пасля ўдзелу актывіста ў пратэстах супраць знішчэння Адэскай гарадской уладай Летняга тэатра і пасля таго, як ён арганізаваў акцыі супраць расійскай культурнай экспансіі ў Адэсе.
Падчас апошняга нападу Сцярненка смяротна параніў аднаго з нападнікаў Івана Кузняцова. Другі ўдзельнік нападу Андрэй Ісайкул з цягам часу ўцёк з Украіны.
Актывіст сцвярджаў, што дзейнічаў у межах законнай самаабароны. Сцярненка заяўляў пра ціск на следства з боку тагачасных міністра ўнутраных спраў Арсэна Авакава і генеральнай пракуроркі Ірыны Венедыктавай.
Суд над Сяргеем Сцярненкам быў адным з самых гучных працэсаў ва Украіне, які многія называлі палітычным. У снежні 2023 года Сцярненка паведаміў, што суд закрыў справу пра верагоднае перавышэнне ім межаў самаабароны.
Цяпер чытаюць
«Я наведаў самую ізаляваную краіну Еўропы». Амерыканскі блогер расказаў, як прыязджаў у Беларусь у 2020-м і 2024-м2
Каментары
Здароўя яму!
[Зрэдагавана]