Былая спікерка Каардынацыйнай рады Анжаліка Мельнікава можа быць не жывая. Пра гэта падчас прэс-канферэнцыі 31 ліпеня ў Варшаве паведаміў кіраўнік Народнага антыкрызіснага ўпраўлення Павел Латушка. «Ёсць падазрэнні, што яна ўжо не жывая», — адзначыў Павел Латушка, піша Белсат.
Палітык падкрэсліў, што прайшло ўжо чатыры месяцы з моманту знікнення Анжалікі Мельнікавай, аднак дагэтуль няма абсалютна ніякай інфармацыі пра магчымае месца яе знаходжання. Па словах спікера Каардынацыйнай рады Арцёма Брухана, таксама няма пацверджання адносна таго, дзе цяпер дзеці Мельнікавай. Брухан таксама зазначыў, што не вядома, ці жывая былая спікерка КР.
30 ліпеня Павел Латушка накіраваў запыт у дэпартамент па барацьбе з арганізаванай злачыннасцю Нацыянальнай пракуратуры Польшчы ў Любліне з просьбай прадставіць магчымую інфармацыю аб ходзе расследавання паводле арт. 189 КК Польшчы «Прымусовае пазбаўленне свабоды», паводле якога ідзе следства ў справе знікнення Анжалікі Мельнікавай і ейных дзяцей.
«Я быў заяўнікам у камендатуру сталічнай паліцыі аб знікненні Мельнікавай. Адбыўся допыт практычна ўсіх супрацоўнікаў НАУ, усе яны далі паказанні ў рамках следства. Наколькі я разумею, кола дапытаных асобаў было значна шырэйшае. На жаль, мы не маем канкрэтнай інфармацыі.
Уся камунікацыя, якая хутчэй носіць нефармальны характар, але яна рэгулярная, за што я ўдзячны польскаму боку, кажа пра тое, што звестак дагэтуль няма. Мне рэгулярна перадаецца, што на сённяшні дзень мы не маем звестак, дзе яна знаходзіцца. Польскі бок мне таксама кажа, што ў іх гэта выклікае вялікую заклапочанасць, што сама фізічная асоба не можа арганізаваць сваё знікненне на такі працяглы час, калі немагчыма атрымаць хоць нейкія звесткі аб месцы яе знаходжання. Што магло здарыцца, мы не ведаем», — распавёў палітык.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары