Прэзідэнты ЗША і Украіны Дональд Трамп і Уладзімір Зяленскі завяршылі двухбаковую размову, якую абодва назвалі «вельмі добрай», і адправіліся на сустрэчу з еўрапейскімі лідарамі. Пра гэта стала вядома з трансляцыі Белага дома.
Трамп заявіў, што расійскі лідар Уладзімір Пуцін на сустрэчы на Алясцы пагадзіўся, што Украіна павінна атрымаць гарантыі бяспекі. Ён дадаў, што «аптымістычна настроены» па дасягненні пагаднення, якое стрымае далейшую агрэсію супраць Украіны.
Па словах Зяленскага, на сустрэчы ён расказаў Трампу пра сітуацыю на полі бою. Ён падзякаваў амерыканскаму прэзідэнту за карту, якую там выставілі перад іх размовай.
У той жа час украінскі прэзідэнт адзначыў, што «адчувальныя пытанні», у прыватнасці адносна тэрыторый, трэба абмяркоўваць на трохбаковай сустрэчы паміж Украінай, Расіяй і ЗША.
Пасля таго слова таксама ўзяў федэральны канцлер Германіі Фрыдрых Мерц, які сказаў, што да трохбаковай сустрэчы варта дасягнуць спынення агню. На гэта Трамп сказаў, што ў войнах, якія ён дапамог завяршыць, абышліся без гэтага.
Трамп пахваліў пінжак і рассыпаўся ў кампліментах
Перад сустрэчай з Трампам Зяленскі пракансультаваўся з еўрапейскімі лідарамі
Джэй Дзі Вэнс зноў будзе прысутнічаць пры размове Трампа з Зяленскім. Ці надзене Зяленскі гальштук?
«Калі захоча, Зяленскі можа амаль імгненна скончыць вайну з Расіяй» — Трамп напісаў новы допіс
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі7
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары