У чацвёртым пад’ездзе дома на вуліцы Барыкіна, 206, на тэхнічным паверсе завяліся галубы. Жыхары распавялі «Белцы», што прачынаюцца раніцай пад варкатанне птушак.
І гэта далёка не адзіная нязручнасць: галубы яшчэ і гадзяць, з-за чаго з’яўляецца непрыемны пах.
«Выхад на дах не зачынены, таму галубы бесперашкодна пранікаюць на тэхнічны паверх. Мы ж трапіць туды не можам — ключ ад рашоткі ёсць толькі ў домакіраванні. Раней у нас працякаў дах, рабочыя залаталі дзірку. Скарыстаўшыся гэтым, мы папрасілі РЭУ навесці парадак. Тады прыбіральшчыца вынесла цэлы пакет загінулых галубоў, і мы старанна памылі лесвіцу. Але хутка ўсё вярнулася на ранейшае месца, бо шлях на дах заставаўся адкрытым», — расказала рэдакцыі пра праблему Зоя Іванаўна.
Жыхары вельмі засмучаныя сітуацыяй. Нядаўна яны за свой кошт адрамантавалі ўвесь пад’езд і стараюцца падтрымліваць чысціню, аднак дзявяты паверх па-ранейшаму патанае ў галубіным памёце.
У ДП «Савецкае» пра праблему ведаюць. Праўда, у іх адказе на скаргі жыхароў сказана, што месцы агульнага карыстання знаходзяцца ў задавальняльным санітарным стане. Пагадзіцца з гэтым цяжка. Паглядзіце на фота.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары