Лукашэнка пра працоўных мігрантаў: Да іх трэба ставіцца як да сваіх людзей. Гэта ж нашы людзі
Падчас візіту ў Гомельскую вобласць палітык зноў выказаўся пра патрэбу запрашэння ў краіну працоўных мігрантаў, піша БелТА
Падчас наведвання ААТ «Агра-Ляскавічы» Лукашэнка пацікавіўся, ці хапае ў гаспадарцы работнікаў. Аказалася, што прыцягваюць і замежнікаў — ужо працуюць некалькі чалавек з Туркменістана, і яны добра сябе зарэкамендавалі.
Палітык ухваліў такі падыход, але нагадаў, што адказнасць у пытанні прыцягнення працоўных мігрантаў з-за мяжы ляжыць на кіраўніках прадпрыемстваў і арганізацый. Яны самі павінны вырашаць, каго і колькі неабходна прыцягнуць. Прычым лепш, каб прыязджалі адразу сем’ямі, бо тады і стаўленне да працы, адказнасць зусім іншыя.
«Да іх трэба ставіцца, як да сваіх людзей. І дзяцей навучаць, і лячыць людзей трэба. Правільна робіш. Па-беларуску: «Кінь наперад, потым знойдзеш». Таму трэба арыентавацца, асабліва на нашы рэспублікі (былога СССР). Гэта ж нашы людзі», — заявіў ён.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары