«У лісце чыгункі ні слова праўды». Хлопца з інваліднасцю па зроку высадзілі з цягніка, хоць у яго бясплатны праезд
Хлопец, які мае інваліднасць па зроку і права на бясплатны праезд, быў высаджаны позна ўвечары ў цемры на прыпынку сярод лесу. Білет каштаваў 57 капеек.
Інцыдэнт адбыўся ў дызельным цягніку «Гомель — Жлобін» яшчэ 17 ліпеня. Маці хлопца не згодна з тым, што ніхто за гэта не панёс адказнасць, пішуць «Сильные новости».
Са слоў маці, хлопец па законе мае права на бясплатны праезд — у яго інваліднасць па зроку. Білет жа каштаваў 57 капеек.
Калі ў цягнік зайшлі білетныя касіры, падлетак паказаў пасведчанне на тэлефоне і пашпарт. Адну жанчыну гэты варыянт задаволіў, а другая, са слоў маці, сказала, што паколькі арыгінала дакумента няма, то і працягнуць шлях хлопец не можа.
У выніку яго высадзілі ў 21:50 на станцыі «Калінінскі».
Хлопец скінуў геалакацыю бацькам, яго сустрэў бацька, але маці была шакаваная, што яе дзіця высадзілі ў цемры побач з лесам.
Жанчына звярнулася ў службу падтрымкі чыгункі з просьбай даць пісьмовы адказ.
Пасля здарэння з імі на сувязь выйшла тая самая касірка з просьбай уладзіць канфлікт, але маці не пайшла на саступкі.
Версія «БЧ»
Праз час прыйшоў і пісьмовы адказ. У арганізацыі растлумачылі, што якасць фота была дрэннай, што не дазволіла пераканацца ў сапраўднасці дакумента.
«Касір растлумачыла пасажыру, што пры сабе неабходна мець арыгінал пасведчання, якое дае права на льготы. Пакідаць вагон пасажыра не прасілі», — адказалі ў БЧ.
Таксама ў арганізацыі сказалі, што касір усяго толькі ўдакладніла, на гэтай станцыі выходзіць хлопец ці не.
«Пры пад'ездзе да прыпыначнага пункта «Калінінскі», пасля аб'явы машыніста, касір паўтарыла для пасажыра, што цягнік прыбывае на гэту станцыю, удакладніўшы, ці на гэтым прыпыначным пункце ён выходзіць. Пасажыр пры гэтым размаўляў па тэлефоне, устаў і пачаў збіраць рэчы, узяў веласіпед і выйшаў з вагона», — агучылі сваю версію ў БЧ.
Ніякіх парушэнняў з боку супрацоўніка ў арганізацыі не выявілі.
Маці падлетка з гэтым не згодна.
«Я патэлефанавала супрацоўніку, які займаўся «расследаваннем» гэтай сітуацыі, сказала, што ў лісце ні слова праўды няма, ён мне нагрубіў, сказаў: «Жанчына, ідзіце ў царкву, сёння свята, а вы сварыцеся», — расказала яна.
Маці спытала пра камеру, якую носяць праваднікі, ёй адказалі — не працавала. Суразмоўца дадаў, што калі «не задаволіў адказ, звяртайцеся ў Мінск. «На гэтым усё і скончылася», — расказала жанчына.
Цяпер чытаюць
Што Бабарыка і Калеснікава адказалі на пытанні пра вайну97
Каментары
Умных сокращают, выгоняют за тик-ток, телеграм, инстаграм, проводят тотальное сокращение обеспечивающих безопасность движения, и режимность работы БелЖд, спасая бесчиленные кабинеты в управлении и отделениях БелЖд.
Даже, идут на тотальное нарушение режима функционирования БелЖд и её объектов, лишь бы сохранить должности и кабинеты.
При выборе между умным и дураком, выбирают дурака, а если дурак послушный, то у умного нет шансов быть железнадорожником и работать на БелЖд.