Усё пачалося з паведамлення ў месенджары нібыта ад супрацоўніка «Белпошты», паведамляе прэс-служба МУС.
Нібыта для ўдакладнення дадзеных для «дастаўкі пасылкі» зламыснікі выманілі ў падлетка асабістую інфармацыю, а затым — і СМС-код.
Пасля гэтага юнаку патэлефанаваў мужчына, прадставіўшыся «інспектарам лічбавай бяспекі». Ён пераканаў падлетка, што той ужо размаўляў з махлярамі і што цяпер ад яго імя нібыта праводзяцца незаконныя фінансавыя аперацыі. Пад пагрозай будучага «агляду» мужчыну запатрабаваў «задэклараваць» усе грошы, якія знаходзяцца дома.
Напалоханы падлетак адчыніў сямейны сейф і перадаў кур’еру $35 тысяч — усе ашчаджэнні бацькоў.
Кур’ера — 45‑гадовага жыхара Мінскай вобласці — аператыўнікі затрымалі. Выявілася, што ён сам раней стаў ахвярай махляроў: пад пагрозай «крымінальнай адказнасці» мужчына выконваў указанні куратараў і паспеў забраць грошы не толькі ў падлетка, але і ў пенсіянеркі, якая перадала для «дэкларавання» $10 тысяч.
Атрыманыя сродкі кур’ер перадаў пасярэдніцы — 73‑гадовай жанчыне. Яна пераслала грошы невядомаму арганізатару схемы.
Па абодвух фактах распачаты крымінальныя справы.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?5
Каментары
Бацькі зусім падурнелі, адкуль у дзяцей код ад сэйфу?