Затрымалі кур'ераў тэлефонных махляроў, якія падманулі 86‑гадовую жанчыну
У Фрунзенскае РУУС звярнулася 86‑гадовая мінчанка, якая стала ахвярай ашуканцаў, што дзейнічалі паводле схемы «замены дамафона».
Пад выглядам дэкларавання грошай пенсіянерка перадала прыбыламу кур’еру больш за 40 тысяч рублёў, паведамляе «Міліцыя Мінска».
Аператыўнікі па гарачых слядах затрымалі памагатага махляроў — 25‑гадовага замежніка. Ён не паспеў перадаць грошы наступнаму звяну ў злачынным ланцугу. Грашовыя сродкі былі канфіскаваныя і будуць вернутыя пацярпелай.
Пра крымінальную вакансію фігуранту расказаў знаёмы на радзіме. Разам яны прыехалі ў Мінск, дзе на ўказанне куратара наведалі яшчэ чатыры адрасы і забралі ў мінчан іх ашчадак, які пасля перадалі невядомай асобе. Суудзельніка таксама затрымалі.
Распачатыя крымінальныя справы.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс18
Каментары