Першая частка «Валадара пярсцёнкаў» выйдзе ў пракат з дубляжом на беларускай мове
Сетка кінапрастор Mooon і Silver Screen абвясціла пра прэм’еру пашыранай рэжысёрскай версіі фільма «Валадар пярсцёнкаў: Брацтва пярсцёнка» з беларускім дубляжом. Паказы стануць першым выпадкам пракату стужкі на беларускай мове ў кінатэатрах краіны, піша «Анлайнер».
Як паведамілі арганізатары, гледачам прадставяць рэжысёрскую версію фільма з дадатковымі сцэнамі. У кампаніі адзначаюць, што праект прымеркаваны да надыходзячага 25‑годдзя выхаду першай часткі культавай кінатрылогіі Пітэра Джэксана — яе сусветная прэм’ера адбылася ў Новай Зеландыі 10 снежня 2001 года.
Фільм будуць паказваць пад лакалізаванай назвай «Валадар пярсцёнкаў: Брацтва пярсцёнка», і ён стане часткай праграмы спецыяльных паказаў. Паводле інфармацыі сеткі, гаворка ідзе менавіта пра поўны дубляж, а не пра паказы з субцітрамі ці закадравай агучкай.
Паказы стартуюць з 12 лютага.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?2
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары