У Іране арыштавалі сцэнарыста фільма «Простая выпадковасць», намінаванага на «Оскар»
У Іране затрыманы адзін са сцэнарыстаў драмы «Простая выпадковасць» Мехдзі Махмудзян. Арышт адбыўся ўсяго за некалькі тыдняў да цырымоніі ўручэння прэміі «Оскар», дзе карціна прадстаўлена адразу ў дзвюх намінацыях — за найлепшы сцэнарый і як найлепшы міжнародны фільм.
Як паведамляюць праваабаронцы, Махмудзяна затрымалі ў суботу, 31 студзеня. Афіцыйныя абвінавачванні пакуль не агучаныя, аднак арышт звязваюць з тым, што за некалькі дзён да гэтага сцэнарыст разам з іншымі дзеячамі культуры падпісаў адкрытую заяву. У ёй падпісанты рэзка асудзілі жорсткае падаўленне пратэстаў у краіне і назвалі дзеянні рэжыму Алі Хаменеі «арганізаваным дзяржаўным злачынствам супраць чалавечнасці». Разам з Махмудзянам былі затрыманыя яшчэ двое падпісантаў гэтага ліста.
Рэжысёр фільма Джафар Панахі, які сам неаднаразова падвяргаўся пераследу і турэмнаму зняволенню, выступіў у падтрымку калегі. Ён назваў Махмудзяна «рэдкім маральным арыенцірам». Менавіта сумеснае знаходжанне Панахі і Махмудзяна ў турме падчас папярэдніх рэпрэсій натхніла іх на стварэнне сцэнарыя «Простай выпадковасці».
Фільм, зняты ў Іране таемна, стаў пераможцам Канскага кінафестывалю і вылучаны на «Оскар» ад Францыі.
Сюжэт распавядае гісторыю былога палітвязня, які сустракае свайго мучыцеля і вырашае адпомсціць. У самім Іране паказ стужкі забаронены, а ў Расіі Міністэрства культуры адмовіла фільму ў пракатным пасведчанні, палічыўшы, што ён не адпавядае мясцоваму заканадаўству.
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў11
Брат Колі Лукашэнкі будуе фармацэўтычны комплекс за $10 мільёнаў
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары
Padaj isk u sud !
Na 1 bln.
U Ajataly josc...