Легенда Галівуда раней заявіў: «Гісторыя — гэта наша краіна, і Трамп яе разбурае, і хто ведае, якія ў яго прычыны для гэтага, але гэта балюча».
Прэзідэнт ЗША аблаяў легенду Галівуда пасля яго закліку да «супраціву», піша Bild
На сваёй платформе Truth Social рэспубліканец напісаў пра акцёра Роберта Дэ Ніра: «Паражаны сіндромам вар’яцтва на Трампе Роберт Дэ Ніра, яшчэ адзін хворы і вар’ят чалавек з, як я мяркую, надзвычай нізкім IQ, абсалютна не разумее, што ён робіць або гаворыць — пры гэтым нешта з гэтага насамрэч крымінальнае».
Выразам «сіндром вар’яцтва на Трампе» прэзідэнт ЗША і многія яго прыхільнікі называюць, на іх думку, навязлівае непрыманне Трампа з боку палітычных апанентаў.
Падставай для тырады Трампа стала выступленне Дэ Ніра ў падкасце The Best with Nicole Wallace, у якім актор заклікаў амерыканцаў да супраціву супраць дзеючага прэзідэнта і сказаў, што гэта «адзіны шлях».
«Гісторыя — гэта наша краіна, і Трамп яе разбурае, і хто ведае, якія ў яго прычыны для гэтага, але гэта балюча. […] Усе павінны трымацца разам, каб пазбавіцца ад яго», — сказаў Дэ Ніра, звяртаючыся да грамадзян ЗША.
Роберт Дэ Ніра яшчэ з першага тэрміну Трампа выразна пазіцыянуе сябе як яго апанент. Ён неаднаразова публічна крытыкаваў прэзідэнта. Летась зорка фільмаў «Таксіст», «Паляўнічы на аленяў», «Аднойчы ў Амерыцы» і «Хросны бацька 2» у сваёй прамове пасля ўручэння ўзнагароды за жыццёвыя дасягненні на Канскім кінафестывалі назваў Трампа «абмежаваным».
У 2016 годзе Дэ Ніра заявіў, што Трамп — свінчо і сабака, і што яму «хацелася б ударыць яго ў твар».
-
«Арменія — гэта ўжо не абрабаваная вамі і вашымі партнёрамі краіна». Пашынян рашуча адказаў Лукашэнку
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары