Жыхар Гомеля прыдумаў спосаб, як здабываць рэцэптурныя лекі абыходзячы дактароў. Пра гэта паведамілі ў Дзяржаўным камітэце судовых экспертыз.
У снежні супрацоўнікі міліцыі правялі праверкі ў некалькіх аптэках абласнога цэнтра. Там былі канфіскаваныя як арыгіналы, так і копіі рэцэптаў на розныя лекавыя сродкі. Усе дакументы былі запоўненыя падобным почыркам, часта на адно і тое ж прозвішча — змяняліся толькі ініцыялы або даты нараджэння. Падазрэнні выклікала і сапраўднасць саміх бланкаў, і адбіткаў пячатак.
Падчас аператыўных мерапрыемстваў устанавілі чалавека, які, меркавана, займаўся вырабам і запаўненнем фальшывых рэцэптаў. У яго ўзялі ўзоры почырку і прызначылі почырказнаўчую і тэхнічную экспертызы дакументаў.
Эксперт правёў дэталёвы аналіз і знайшоў прыкметы, якія сведчаць, што ўсе запісы ў рэцэптах зробленыя адной асобай. Таксама высветлілася, што бланкі і пячаткі былі надрукаваныя на друкарцы.
Следства ўстанавіла, што мужчына асабіста даваў падробленыя рэцэпты ў розных аптэках Гомеля і такім чынам набываў вялікія колькасці лекаў, у тым ліку моцнадзейных прэпаратаў, якія адпускаюцца толькі па прызначэнні доктара.
Па гэтым факце распачалі крымінальную справу.
Дзве пенсіянеркі значна ашчадзілі на пуцёўцы ў санаторый, але пасля пра гэта пашкадавалі
У Мінску затрымалі 55 супрацоўнікаў махлярскіх call-цэнтраў
Затрымалі іншаземца, які арганізоўваў нелегальную міграцыю пад прыкрыццём легальнага бізнэсу
У Латвіі ветэрынарная служба заклікала не купляць хатніх жывёл у Беларусі. І гэта не проста прыхамаць
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы12
Каментары