«Мы вельмі блізкія да канчатковай перамогі». Рэза Пехлеві запісаў зварот да іранцаў
Сын апошняга іранскага шаха на фоне ўдараў ЗША і Ізраіля па Іране запісаў зварот да народа краіны.
«Дапамога, абяцаная прэзідэнтам ЗША адважнаму народу Ірана, нарэшце прыбыла. Гэта гуманітарная інтэрвенцыя, і яе мэта — Ісламская Рэспубліка, яе рэпрэсіўны апарат і машына забойстваў, а не краіна і вялікая нацыя Ірана.
Аднак, нягледзячы на прыбыццё гэтай дапамогі, канчатковая перамога ўсё роўна будзе здабытая намі.
Менавіта мы, народ Ірана, завершым гэтую задачу ў гэтай апошняй бітве. Час вярнуцца на вуліцы набліжаецца», — гаворыцца ў звароце.
Пехлеві мяркуе, што ісламская рэспубліка разбураецца, таму ён звярнуўся і да іранскіх сілавікоў.
Ён нагадаў ім, што яны прысягалі абараняць Іран і іранскі народ, а не ісламскую рэспубліку і яе лідараў: «Далучайцеся да нацыі і дапамажыце забяспечыць стабільны і бяспечны пераходны перыяд. У адваротным выпадку вы патонеце разам з караблём Хаменеі і яго рэжымам, які разбураецца», — сказаў ён.
Сын шаха, зрынутага ў выніку ісламскай рэвалюцыі, таксама заклікаў прэзідэнта ЗША Дональда Трампа «праявіць максімальную асцярожнасць, каб захаваць жыцці мірных жыхароў і маіх суайчыннікаў», бо народ Ірана — натуральныя саюзнікі ЗША і саюзнікі свабоднага свету.
Ізраіль пры падтрымцы ЗША нанёс ракетны ўдар па Іране
Ізраіль і ЗША рыхтуюцца да шматдзённага канфлікту з Іранам
Трамп: Калі мы скончым, вазьміце ўладу над сваім урадам. Ён будзе вашым
Біньямін Нетаньягу абвясціў пра аперацыю «Леў, які рычыць» супраць Ірана
Адной з галоўных цэляў першай хвалі ўдараў па Іране былі лідары ісламскай рэспублікі
Змена іранскага рэжыму — не мэта аперацыі, — Ізраіль
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары