Украіна папрасіла прабачэння ў краін Балтыі за падзенне сваіх дронаў на іх тэрыторыі
Украіна афіцыйна папрасіла прабачэння ў краін Балтыі з-за нядаўніх інцыдэнтаў з беспілотнікамі. Пра гэта паведаміў прэс-сакратар МЗС Украіны Георгій Ціхі ў інтэрв'ю парталу Delfi, піша «Еўрапейская праўда».
Георгій Ціхі заявіў, што Украіна сама не накіроўвала і не магла накіроўваць свае дроны ў бок Літвы, Латвіі і Эстоніі.
Паводле яго слоў, пасля расследавання высветлілася, што ў шэрагу выпадкаў беспілотнікі адхіляліся ад курсу з-за ўздзеяння расійскіх сістэм радыёэлектроннай барацьбы.
Украінскі бок падкрэсліў, што падтрымлівае пастаянны кантакт з балтыйскімі краінамі і шчыра папрасіў у іх прабачэння за здарэнні. Таксама было адзначана, што асноўнай прычынай такіх інцыдэнтаў з’яўляецца расійская агрэсія супраць Украіны.
Раней некалькі дронаў падчас атак на расійскія аб’екты каля Санкт-Пецярбурга збіліся з курсу і трапілі на тэрыторыю Балтыі — частка з іх упала ў Латвіі, Эстоніі і Літве. Таксама адзін з беспілотнікаў парушыў паветраную прастору Фінляндыі, перад якой Украіна таксама выбачылася.
Пятая ноч атак: у порце Усць-Луга пасля атакі дронаў зноў успыхнуў пажар
Украінскія дроны атакавалі аднаго з найбуйнейшых вытворцаў фосфарных угнаенняў у Расіі
Украінскія дроны вывелі са строю адзін з найбуйнейшых расійскіх НПЗ
Падчас начной атакі ўкраінскіх дронаў у порце Выбарга быў пашкоджаны найноўшы расійскі ледакол
У Ленінградскай вобласці адбылася масіраваная атака дронаў: пажары ў партах і калапс у Пулкаве
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары