Трамп не пераймаецца, што амерыканцы могуць здзейсніць у Іране ваенныя злачынствы
Прэзідэнт ЗША Дональд Трамп 6 красавіка пракаментаваў магчымасць таго, што патэнцыйныя ўдары ЗША па электрастанцыях і іншых аб’ектах крытычнай інфраструктуры ў Іране будуць лічыцца ваеннымі злачынствамі. Яго словы прыводзіць CNN.
Журналісты спыталі Трампа падчас велікоднага мерапрыемства ў Белым доме, ці могуць удары ЗША па аб’ектах цывільнай інфраструктуры ў Іране, якія прэзідэнт пагражаў нанесці, лічыцца ваенным злачынствам.
«Я не пераймаюся з гэтай нагоды», — сказаў Трамп у адказ.
«Ведаеце, што такое ваеннае злачынства? Ваеннае злачынства — гэта дазволіць Ірану мець ядзерную зброю», — дадаў ён.
Дональд Трамп раней неаднаразова папярэджваў, што ЗША могуць нанесці ўдары па электрастанцыях, мастах і іншых аб’ектах інфраструктуры ў Іране, калі Тэгеран не заключыць пагадненне або не адкрые Армузскі праліў. На выхадных ён нават вызначыў крайні тэрмін, да якога Іран павінен пагадзіцца на здзелку.
Таксама Трамп назваў прапанову пра 45‑дзённае перамір’е з Іранам «важным крокам», але падкрэсліў, што гэтага недастаткова.
Паводле інфармацыі Reuters, Іран адмовіўся ад гэтай прапановы, якая прадугледжвала часовае спыненне напружанасці ў абмен на разблакіроўку Армузскага праліва.
Як вайна Трампа з Іранам наблізіла канец нафты і газу і адкрыла дарогу электрычнасці
«Адкрыйце гэты чортавы праліў, шалёныя вырадкі!» Трамп анансаваў пекла ў Іране ўжо ў гэты аўторак
Пакістан падрыхтаваў план спынення вайны паміж ЗША і Іранам, які прадугледжвае адкрыццё Армузскага праліва
Камандаванне вайскова-марскіх сіл Ірана: Армузскі праліў ужо ніколі не вернецца да свайго ранейшага стану
ЗША і Іран робяць «апошнюю спробу» дамовіцца пра мір
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары
Ён увогуле не пераймаецца.
А навошта мозг сушыць. І група падтрымкі ў яго такая ж. Жэрці, ..ерці, не пераймацца.