Рэпера Lil Nas X накіравалі на псіхіятрычнае лячэнне пасля нападу на паліцэйскіх
Год таму ён блукаў у майтках і ботах па вулках Лос-Анджэлеса.
Суддзя ў штаце Каліфорнія прыпыніў судовы працэс над артыстам, які быў арыштаваны ў жніўні мінулага года за напад на паліцэйскіх, калі блукаў па вуліцах Лос-Анджэлеса ў напаўаголеным выглядзе, з умовай, што той пройдзе псіхіятрычнае лячэнне.
На пасяджэнні ў панядзелак суддзя Алан Шнайдэр сказаў аўтару хіта Old Town Road, што калі ён пройдзе лячэнне і на працягу двух гадоў не парушыць ніякіх законаў, то абвінавачанні з яго будуць знятыя.
Напад на паліцэйскіх кваліфікуецца як цяжкае злачынства і цягне да пяці гадоў турмы. Акрамя таго, Lil Nas X (сапраўднае імя — Мантэра Ламар Хіл) было выстаўлена абвінавачанне ў супраціве пры арышце.
Паліцэйскія выявілі Хіла позна ўначы на бульвары Вентура ў Лос-Анджэлесе — у адных майтках і каўбойскіх ботах. Яго тады даставілі ў бальніцу з падазрэннем на перадазіроўку наркотыкаў.
Пасля гэтага інцыдэнту ў рэпера дыягнаставалі біпалярны разлад. Пасля арышту ён правёў два месяцы ў лячэбнай установе ў Арызоне.
Пасля судовага пасяджэння Lil Nas X усміхаўся і паказаў журналістам вялікі палец. «Я ўдзячны. Проста вельмі ўдзячны. Магло быць значна горш», — сказаў ён у інтэрв’ю часопісу Rolling Stone.
Пасля арышту Хіла яго бацька Роберт Стафард распавёў, што на стан яго сына паўплывала доўгая гісторыя залежнасці яго маці і яго няздольнасць дапамагчы ёй.
«Яму 26 гадоў, і пры гэтым яму даводзіцца зарабляць на жыццё для вялікай колькасці людзей, і ён не можа змяніць сітуацыю сваёй маці, і яшчэ ён цісне сам на сябе. Гэта цяжкая нагрузка на душу», — сказаў Стафард.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары