Але некалькі ўключаныя паўторна.
У пераліку «экстрэмісцкіх» фарміраванняў і арганізацый на 5 мая 2026 года 350 фармаванняў і арганізацый, аднак агульная колькасць пазіцый у пераліку 365.
Розніца звязана з тым, што туды асобна ўключаюцца дапаўненні, шэраг пунктаў паўтараецца. Некаторыя аб’яднанні грамадзян прызнаныя як ЭФ, так і ЭА, піша «Позірк».
Колькасць рэдакцый і іншых медыяструктур у спісе дасягнула 60. Іх доля ў спісе складае 17%.
З улікам гэтага да медыясферы адносяцца 64 пазіцыі з 365 (17,5%).
Дапаўненні аформленыя ў дачыненні да тэлеканала «Белсат», а таксама рэдакцый «Люстэрка» і KYKY. Акрамя таго, Беларускі расследавальніцкі цэнтр (БРЦ) прызнаны як ЭА (15 верасня 2023 года), так і ЭФ (31 сакавіка 2026-га).
У пералік уключана агулам 137 чалавек, якія, на думку беларускіх сілавых структур, маюць дачыненне да ЭФ і ЭА ў медыясферы. Двое з іх згаданыя двойчы: Фёдар Паўлючэнка (БРЦ і reform.news) і Аляксандр Ярашэвіч (БРЦ і «БюроМедыя»).
Складаць спіс, які афіцыйна называецца «Пералік арганізацый, фарміраванняў, індывідуальных прадпрымальнікаў, якія маюць дачыненне да экстрэмісцкай дзейнасці» сілавікі атрымалі права дзякуючы пастанове Савета міністраў ад 12 кастрычніка 2021 года «Аб мерах процідзеяння экстрэмізму і рэабілітацыі нацызму» за подпісам экс-прэм’ер-міністра Рамана Галоўчанкі.
У дачыненні да арганізацый і структур медыясектара ў кастрычніку-снежні 2021 года было прынята 4 рашэнні аб уключэнні ў спіс, у 2022 годзе — 15, у 2023‑м і 2024‑м — па 14, у 2025‑м — 13, з пачатку 2026‑га — 4.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?8
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары