Інцыдэнт здарыўся ў вёсцы Сякераўцы: 27‑гадовы мужчына скраў трактар, але не змог далёка з’ехаць, бо тэхніка завязла ў балоце.
Мужчына прыехаў у госці да знаёмага, дзе яны разам ужывалі алкаголь. У нейкі момант ён заўважыў на суседнім двары трактар «Беларус», у якога кабіна была не зачынена, а ключ заставаўся ў замку запальвання.
Скарыстаўшыся сітуацыяй, ён сеў у трактар, завёў яго і паехаў. Аднак паездка аказалася кароткай — ужо праз кароткі час машына завязла ў балоце. Пасля гэтага мужчына проста вярнуўся да знаёмага і працягнуў застолле.
Неўзабаве яго затрымалі супрацоўнікі міліцыі. У дачыненні да мужчыны завялі крымінальную справу за крадзеж, а трактар вярнулі прадпрыемству.
Пры гэтым у міліцыі адзначылі, што сітуацыі паспрыяла неасцярожнасць механізатара: ён пакінуў тэхніку незачыненай з ключом у замку і нават не заўважыў, што яе скралі.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары