На вытворчым участку «Любчанскі» філіяла «Навагрудскія дары» Лідскага малочна-кансервавага камбіната плануюць наладзіць выпуск сыроў з блакітнай цвіллю. Новы прадукт будзе арыентаваны як на ўнутраны рынак, так і на пастаўкі ў Расію і іншыя краіны постсавецкай прасторы, піша БелТА.
Прадпрыемства таксама працягвае маштабную мадэрнізацыю. Да 2028 года плануецца павялічыць аб’ёмы перапрацоўкі малака да 903 тон у суткі і пашырыць выпуск прадукцыі з больш глыбокай ступенню перапрацоўкі.
Сярод новых праектаў — стварэнне вытворчасці сухога канцэнтрату малочнага бялку КМБ-80, які выкарыстоўваецца ў харчовай прамысловасці, медыцыне і касметалогіі. Таксама на камбінаце рыхтуюць запуск вытворчасці абязводжанага малочнага тлушчу, які плануюць пастаўляць на афрыканскі рынак.
Акрамя таго, у канцы года прадпрыемства адкрые новую лінію па разліве малака і пітных ёгуртаў у бутэлькі.
Іншыя філіялы камбіната таксама развіваюць новыя кірункі: у Ашмянах будзе пашыраная фасоўка сыроў, у Смаргоні — вытворчасць марожанага і ўпакоўка тварагу, а ў Навагрудку з’явіцца дадатковая сырная лінія магутнасцю 10 тон прадукцыі за суткі.
Усяго Лідскі малочна-кансервавы камбінат перапрацоўвае каля 1,8 тысячы тон малака штодня, выпускае прыкладна 250 найменняў прадукцыі і экспартуе каля 70% сваёй вытворчасці ў 26 краін свету.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары