Беларусы абурыліся, што ў «Еўраопце» прадаюць «халяльныя» агуркі
У інтэрнэт-краме «Еўраопта» «Е-дастаўка» пачалі прадаваць два віды калючых агуркоў. Адзін з іх ішоў з нацэнкай і пазнакай «халяль», што вельмі абурыла аднаго з карыстальнікаў Threads, заўважыла выданне Blizko.by.
Розніца ў цане была невялікая — усяго 12 капеек. Але аўтара бянтэжыла не гэта, а тое, што нацэнку далі чыста з-за «халяльнасці» прадукту.
«Як не падаткам на халяль гэта можна патлумачыць? Можа хтосьці патлумачыць, што творыцца? Агуркі таксама праходзяць увесь этап халялізацыі?» — абурыўся карыстальнік.
У каментарах таксама абурыліся:
«Поўнае трызненне. Гародніна заўсёды была халялем, пры чым тут гэтая нацэнка?»
«Можа гэта сорт іншы? А надпіс чыста маркетынгавы ход?»
«Мяса я яшчэ разумею, але гародніна тут якім бокам? Зусім з глузду з'ехалі».
«Толькі ўчора гугліла, што такое таматы халяль. Карацей, гэта тая гародніна, якую праполвалі, не лаючыся матам, і не адзначаючы збор шашлыком са свініны пад каньяк».
«Маркетолагі нездарма заробкам карыстаюцца».
«Гэта тыя, якія свіным гноем не ўгнойваюць».
Халяльнымі прадуктамі называюць ежу і напоі, склад і працэс прыгатавання якіх строга адпавядаюць нормам ісламскага права (шарыяту). Да іх адносіцца ўсё, што не ўтрымлівае свініны, мяса драпежных жывёл і птушак, крыві, алкаголю, а таксама жывёльнага тлушчу невядомага паходжання.
Мяса атрымліваюць ад здаровых жывёл пасля асаблівага рытуальнага забою. Перад гэтым жывёліна не павінна адчуваць пакут, а падчас самога працэсу вымаўляецца малітва. Пры вытворчасці і захаванні выключаны кантакт халяльнай сыравіны з забароненымі прадуктамі. Раслінныя прадукты аўтаматычна адносяцца да халялю.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу1
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку4747
Каментары