«Мы хочам зразумець, што адбылося». У Крамлі запатрабавалі тлумачэнняў пасля заяў аб змене пазіцыі Трампа наконт Украіны
Падставай для гэтага сталі словы прэзідэнта Францыі.
Кіраўнік МЗС Расіі Сяргей Лаўроў заявіў, што Масква хоча зразумець, што адбылося на саміце Саміт G7 у французскім Эвіян-ле-Бэне, піша Bild.
Падставай для гэтага сталі словы прэзідэнта Францыі Эмануэля Макрона. Паводле яго версіі, пасля перамоў з партнёрамі Дональд Трамп прыйшоў да высновы, што Расія не хоча міру ва Украіне, а ранейшыя дамоўленасці паміж Трампам і Пуціным былі канчаткова пахаваныя.
Асаблівую ўвагу таксама прыцягнулі новыя заявы Трампа пра Уладзіміра Зяленскага.
На сустрэчы з генеральным сакратаром НАТА Маркам Рутэ прэзідэнт ЗША сказаў, што Украіна трымаецца «даволі добра, назваў Зяленскага «мужным» і заявіў, што ў Кіева ёсць «выдатнае абсталяванне» і «выдатныя байцы». Пры гэтым яшчэ нядаўна Трамп публічна рэзка крытыкаваў украінскага прэзідэнта.
У адміністрацыі ЗША таксама ўсё часцей гавораць пра перавагу Украіны. Намеснік дзяржсакратара Джэрэмі Левін нядаўна заявіў пра «шырокі кансэнсус» паміж Трампам, Зяленскім і еўрапейскімі саюзнікамі, а таксама сказаў, што Украіна «на дадзены момант» выйграе вайну і змяніла дынаміку на фронце.
Лаўроў пры гэтым назваў паведамленні пра тое, што Вашынгтон даў Кіеву дазвол на больш жорсткія ўдары па Расіі, выдаваннем «жаданага за сапраўднае».
Каментары
Вы обос..лись.