У Венесуэле 11‑гадовага хлопчыка жывога дасталі з-пад завалаў праз 70 гадзін пасля землятрусу
Пра гісторыю выратавання хлопчыка расказала ў сацсетцы X часовая прэзідэнтка Венесуэлы Дэлсі Радрыгес.
Шчаслівы выпадак сярод суцэльнага гора зафіксаваны ў Карабальедзе, сталіцы Ла-Гуайры — штата, які найбольш пацярпеў ад землетрасенняў.
«Усяго некалькі хвілін таму ў Карабальедзе быў выратаваны жывым 11‑гадовы хлопчык. У гэтыя гадзіны кожнае жыццё — гэта надзея для Венесуэлы», — напісала Дэлсі Радрыгес.
Паводле афіцыйных даных, на гэты час загінулі 1430 чалавек, больш за 3200 атрымалі раненні. Амаль 70 тысяч чалавек усё яшчэ лічацца зніклымі без вестак.
Два землятрусы адбыліся з розніцай усяго ў 39 секунд у сераду ўвечары на захад ад сталіцы краіны Каракаса. Штуршкі мелі магнітуду 7,2 і 7,5. Згодна з афіцыйнымі заявамі, па стане на гэты момант адбылося каля 430 афтэршокаў.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары