У сталічную міліцыю звярнуўся менеджар аднаго з банкаў, якога на працягу тыдня «апрацоўвалі» тэлефонныя ашуканцы. Вынік быў катастрафічным: мужчына не толькі аддаў кур'еру 35 тысяч даляраў асабістага ашчадку, але і набраў крэдытаў на 140 тысяч рублёў.
Спачатку мужчыну ашукалі па схеме «Белпошта», выманіўшы код з SMS пад выглядам дастаўкі заказнога ліста.
Затым ілжэправаахоўнік распавёў мінчуку пра пералічэнне ад ягонага імя грошай злачынцу за мяжу, праз што нібыта заведзена крымінальная справа.
Дзеля доказу сваёй невінаватасці пацярпелы пагадзіўся «прайсці праверку Нацбанка». Ён перадаў дзяўчыне, якую лічыў пазаштатным інкасатарам, каля 35 тысяч даляраў ашчадку. Акрамя таго, узяў у розных банках тры крэдыты на агульную суму 140 тысяч рублёў і таксама аддаў аферыстам.
Калі махляры перасталі выходзіць на сувязь, ахвяра звярнулася ў міліцыю.
Міліцыянты затрымалі кур’ерку. Яе таксама ашукалі махляры. Грошы не вярнулі, яны пайшлі далей па крымінальным ланцужку.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ2
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары