Родзічы шукаюць жыхара Светлагорска і ягоную жонку, якія праз пагрозу рэпрэсій з’ехалі з Беларусі. Яны зніклі больш за год таму
Больш за год не выходзяць на сувязь ураджэнец Светлагорска Павел Аніхоўскі і ягоная жонка Яна. Сябры сям’і спрабуюць знайсці іх, але пакуль беспаспяхова, піша «Вясна».
Павел Паўлавіч Аніхоўскі нарадзіўся 11 верасня 1988 года ў Светлагорску. Вядома, што ён працаваў у сферы ІТ. Пасля пачатку масавых рэпрэсій яны з жонкай выехалі з Беларусі і апошнія некалькі гадоў жылі ў Польшчы, дзе Павел таксама працаваў у ІТ-кампаніі.
Сябры сям’і расказалі, што апошні раз Павел звязваўся з маці ў траўні або чэрвені 2025 года. З таго часу ўсе намаганні звязацца з ім або з ягонай жонкай не прыносяць плёну.
Праз хваляванні за лёс сына ягоная маці ў Светлагорску практычна страціла зрок. Сябры імкнуцца ёй неяк дапамагаць, але найлепшай дапамогай стала б нейкая вестка пра сына ды нявестку.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары