Уладзімір Някляеў: Ад такіх нападкаў Лукашэнку будзе лёгка адбіцца
Лідэр грамадскай кампаніі «Гавары праўду» Уладзімір Някляеў быў адным з герояў перадачы «Хросны
Лідэр грамадскай кампаніі «Гавары праўду» Уладзімір Някляеў быў адным з герояў перадачы «Хросныбацька-3 ». Для здымак ён адмыслова ездзіў у Маскву.
«Наша Ніва»: Як вам фільм? Спадабаўся?
Уладзімір Някляеў: Дынамічны, напорысты, з энергетыкай. Шмат плюсаў у ім, але і мінусаў хапае. Найперш, што так і не было агучана канкрэтных фактаў карупцыі з боку атачэння Лукашэнкі. Не было спецыяльных дакументаў.
«НН»: А вы чаму пагадзіліся ўдзельнічаць у «Хросным бацьку»?
УН: Таму, што гэты фільм тычыўся сур’ёзных рэчаў. Я адразу папярэдзіў тэлевізійшчыкаў, што не маю дакументаванай базы, якая б пацвердзіла мае словы аб кланавасці ўлады, аб карупцыі. Яны сказалі, што маюць такіх людзей ў адпаведных структурах і такія дакументы, а я ім патрэбны, каб агульна абмаляваць сітуацыю, што і зрабіў.
«НН»: А якога эфекту чакаеце ад фільму?
УН: Я чакаю разуменне людзьмі, хто кіруе краінай, што гэта за чалавек. Хачу, каб людзі зразумелі, што гэты чалавек не варты займаць найвышэйшую пасаду ў краіне.
«НН»: Будзеце рэкамендаваць людзям глядзець «Хроснага бацьку»?
УН: Хай бы паглядзелі. Зрэшты, для расійскага гледача — гэта сенсацыя. А для нашага, які хоць троху арыентуецца ў палітычных працэсах, ніякай сенсацыі няма, вялікага ўплыву няма таксама. Яшчэ раз паўтаруся, калі былі б агучаныя канкрэтныя факты махінацый, з канкрэтнымі дакументамі, то гэта б мела іншы эфект. А ад такіх, нічым не пацверджаных нападак, Лукашэнку будзе лёгка адбіцца.
Каментары