Беларус узяў крэдыт «На родныя тавары», каб купіць матацыкл «Мінск». Той аказаўся кітайскім
Пад этыкеткай «Мінска» працягваюць прадаваць матацыклы, якія збіраюць у Кітаі.
Чытач Tochka.by атрымаў ільготны крэдыт «На родныя тавары», каб купіць беларускі матацыкл «Мінск». Але ў тэхпашпарце транспартнага сродка краінай паходжання аказаўся пазначаны Кітай.
На «Матавела» журналістам растлумачылі, што розныя партыі матацыклаў маюць розны ўзровень лакалізацыі. Іх могуць пастаўляць адразу сабранымі з Кітая, альбо збіраць у Мінску.
Крэдыт «На родныя тавары» выдаецца на пакупку беларускай прадукцыі пад 4% гадавых. Аднак, калі ў дакументах краінай паходжання тавара ўказаная не Беларусь, банк мае права адмовіць у выдачы крэдытаў.
У жніўні 2022 года Аляксандр Лукашэнка ўчыніў разнос на «Мотавела», калі яму пад выглядам беларускага матацыкла паказалі французскі.
Каментары