Зяленскі і Трамп збіраюцца абмеркаваць пастаўкі амерыканскай зброі ва Украіну
Тэлефонная размова прэзідэнтаў ЗША і Украіны запланавана на 4 ліпеня, піша Financial Times.
Чакаецца, што Дональд Трамп і Уладзімір Зяленскі абмяркуюць раптоўнае спыненне некаторых ключавых паставак амерыканскай зброі Кіеву. Пра гэта журналісты даведаліся ад людзей, знаёмых з запланаванай дыскусіяй.
Па іх словах, Зяленскі таксама падыме пытанне аб магчымых будучых здзелках па закупцы амерыканскай зброі.
3 ліпеня прэзідэнт Украіны прыляцеў у Данію, дзе праходзіць сустрэча Еўракамісіі з урадам краіны з нагоды пачатку паўгадавога старшынства краіны ў Савеце ЕС.
1 ліпеня Белы дом пацвердзіў, што Пентагон прыпыніў пастаўкі некаторых ракет супрацьпаветранай абароны і іншых высокадакладных боепрыпасаў ва Украіну, паколькі ў ЗША баяцца змяншэння запасаў зброі ў сябе.
Украіна пры гэтым заявіла, што не атрымлівала афіцыйных паведамленняў пра прыпыненне або змены ў графіках паставак абароннай дапамогі.
Цяпер чытаюць
Прапагандысты запэўніваюць, што 196 палітвязняў ужо на свабодзе9
Каментары