Міністэрства адукацыі плануе скараціць прыём на завочнае навучанне ў ВНУ амаль у два разы. Між тым спосаб атрымання ведаў на адлегласці вельмі папулярны ў беларусаў і набірае абароты за мяжой. Якія прэтэнзіі ў чыноўнікаў да завочнікаў і хто цяпер зможа трапіць у іх лік?
Колькасць завочнікаў паменшыцца за тры гады
Завочнае навучанне ў Беларусі атрымала гіпертрафаванае распаўсюджанне, асабліва ў прыватных ВНУ, лічаць у Мінадукацыі. Жорсткія крытэры адбору існуюць толькі пры атрыманні адукацыі завочна за кошт сродкаў бюджэту — прымаюцца выпускнікі сярэдніх спецыяльных навучальных установаў, якія маюць адукацыю па выбраным профілі або асобы, якія працуюць па профілі абранай спецыяльнасці, а таксама тыя, хто атрымаў першую вышэйшую адукацыю на ўмовах аплаты і працуе па профілі абранай спецыяльнасці. А вось калі вучыцца завочна за ўласныя грошы, то можна працаваць прадаўцом, а атрымліваць педагагічную адукацыю і наадварот.
На нядаўняй калегіі першы намеснік міністра адукацыі Аляксандр Жук падкрэсліў, што павінны выконвацца разумныя прапорцыі паміж дзённай і завочнай формамі атрымання адукацыі.
— У выніку абмеркавання пытання з рэктарамі ВНУ вырашана, што колькасць завочнікаў павінная быць скарочаная да 30–40% ад колькасці навучэнцаў ВНУ,— паведаміў Аляксандр Жук. — Мінадукацыі плануе на працягу найбліжэйшых трох гадоў паэтапна зменшыць долю завочнікаў.
Цяпер каля 60% студэнтаў беларускіх ВНУ атрымліваюць адукацыю завочна.
Завочнікі не радуюць Мінадукацыі добрымі ведамі
— Адсутнасць добра арганізаванага навучальнага працэсу і кантролю прывяло да таго, што гэтая форма з’яўляецца менш эфектыўнай, чым дзённая, — падкрэслівае першы намеснік міністра адукацыі.
Пра гэта сведчаць вынікі апошняй праверкі дэпартамента кантролю якасці міністэрства, якая праводзілася сярод
Для станоўчай адзнакі неабходна было адказаць на 12% пытанняў. Станоўчыя адзнакі па эканоміцы атрымалі толькі 43% падыспытных, а па правазнаўстве — 20%.
Лепшыя вынікі былі ў тых, хто да навучання ў ВНУ скончыў ССНУ па той жа спецыяльнасці. Напрыклад, па спецыяльнасці «бухулік» і «фінансавы аўдыт» 75% студэнтаў мелі дыплом аб сярэднетэхнічнай адукацыі. Менавіта ў іх быў дастаткова высокі вынік пры праходжанні кантрольнага тэставання.
Чыноўнікі Мінадукацыі прыйшлі да высновы аб неабходнасці «адрадзіць першапачатковы сэнс завочнай адукацыі як адукацыі без адрыву ад вытворчасці з мэтай павышэння кваліфікацыі без адрыву ад вытворчасці».
Летась старшыня пастаяннай камісіі Палаты прадстаўнікоў па адукацыі, культуры, навуцы і
Каментары