ДАІ сцвярджае, што дыпламат быў п'яны.
Аташэ пасольства Рэспублікі Італія ў Беларусі Маўрыцыа Крачатэлі затрыманы супрацоўнікамі дзяржаўтаінспекцыі за кіраванне аўтамабілем у стане алкагольнага ап'янення. Як паведамілі ў ГУУС Мінгарвыканкама, у суботу 2 ліпеня ўвагу супрацоўнікаў ДАІ прыцягнула прэстыжная машына «Аўдзі Q7», кіроўца якой відавочна знаходзіўся ў стане алкагольнага або наркатычнага ап'янення. Самае дзіўнае, што на машыне былі дыпламатычныя нумары.
Прыблізна ў 6.30 раніцы, насупраць дома 76 па праспекце Машэрава кіроўца дыпламатычнага аўтамабіля быў затрыманы. Пры першым жа знаёмстве з кіроўцам падазрэнні адносна яго стану пацвердзіліся. Супрацоўнікі ДАІ яшчэ больш здзівіліся, калі праверылі дакументы затрыманага. Ім быў аташэ пасольства Рэспублікі Італія ў Рэспубліцы Беларусь Маўрыцыа Крачатэлі. Пры гэтым дыпламат паводзіў сябе з інспектарамі абуральна і, карыстаючыся сваёй дыпламатычнай недатыкальнасцю, не толькі адмовіўся ад медыцынскага агляду, на што меў поўнае права, але нават не стаў паказваць сваё пасведчанне кіроўцы.
Нягледзячы на гэта, інспектарамі ў дачыненні да дыпламата быў складзены пратакол аб адміністрацыйным правапарушэнні па арт. 18.16 КаАП (кіраванне транспартным сродкам асобай, якая знаходзіцца ў стане алкагольнага ап'янення або ў стане, выклiканым ужываннем наркатычных сродкаў, псіхатропных, таксічных або іншых адурманьвальных рэчываў, або перадача кiравання транспартным сродкам такой асобе, а таксама адмова ад праходжання ва ўсталяваным парадку праверкi (агляду) на прадмет вызначэння стану алкагольнага ап'янення або стану, выклiканага ўжываннем наркатычных сродкаў, псіхатропных, таксічных або іншых адурманьвальных рэчываў). Адпаведная інфармацыя пра паводзіны дыпламата перададзеная ў МУС і пасольства Італіі ў Мінску.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары