Прадстаўнік Украіны ў ААН нагадаў расіянам, дзе была Кіеўская Русь, а дзе «квакалі жабы»
«Масква тады была проста балотам, дзе квакаюць жабы».
На пасяджэнні Рады Бяспекі ААН пастаянны прадстаўнік Украіны Андрэй Мельнік звярнуўся да гістарычнага экскурсу, адказваючы на расійскія наратывы пра нібыта «адзінства ўкраінцаў і расіян», паведамляе Укрінфарм.
Дыпламат нагадаў, што падчас мінулага пасяджэння Рады Бяспекі ААН 24 лютага пастпрэд Расіі Васіль Нябензя «ў чарговы раз патраціў час на знаёмую лухту пра нібыта гістарычнае адзінства ўкраінцаў і расіян».
«Ён нават нешта прамармытаў пра Кіеўскую Русь, якую мы, украінцы, нібыта прадалі за 30 срэбранікаў, — распавёў Мельнік. — Дазвольце паставіць гістарычныя факты на свае месцы».
Украінскі дыпламат адзначыў, што ў пачатку XII стагоддзя Кіеў быў сталіцай найбуйнейшай і адной з самых магутных дзяржаў сярэднявечнай Еўропы.
«А тэрыторыя сучаснай Масквы тады была толькі балотам, дзе квакаюць жабы», — заўважыў ён.
Мельнік нагадаў пра агрэсіўныя дзеянні маскоўскіх кіраўнікоў у мінулым. Менавіта пад кіраўніцтвам князя Уладзіміра-Суздальскай зямлі Андрэя Багалюбскага ў 1169 годзе Кіеў быў разрабаваны, а многія яго жыхары — забітыя.
«Масква здрадзіла Кіеву. І дагэтуль яна працягвае гэтую самую жорсткую палітыку: бамбіць Кіеў, руйнуе нашы Залатыя вароты, гвалтуе і забівае мірных жыхароў», — падкрэсліў пастаянны прадстаўнік.
Звяртаючыся да расійскай дэлегацыі, ён заявіў, што ўкраінцам не патрэбныя «скажоныя гістарычныя ўрокі пра ўяўнае адзінства».
«Кіеў стаіць моцна ўжо больш за 1000 гадоў і будзе стаяць яшчэ тысячу. Ён будзе квітнець, заставацца непераможным, і Расіі не ўдасца яго пакарыць», — заявіў Мельнік.
Напрыканцы ён працытаваў па-руску: «Окончен бал, потухли свечи… Бери шинель — иди домой».
«Таму забірайце свае шынялі — і прэч з Украіны!» — дадаў дыпламат.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома11
Каментары
"Все, все настоящее русское было,
С клеймом нелюдимой, мертвящей зимы...
...Так много и злобы и боли, так много жестокой любви"