Літоўскі дэпутат прапаноўвае забараніць Беларусі браць удзел у буйных міжнародных спартыўных і культурных спаборніцтвах
Член сейма Літвы кансерватар Эгідыюс Варэйкіс прапаноўвае прымяняць у адносінах да афіцыйнага Мінска «маральныя санкцыі» — выключыць Беларусь з міжнародных культурных і спартыўных арганізацый, а таксама забараніць краіне браць удзел у чэмпіянатах свету і Еўропы.
З такой прапановай Варэйкіс выступіў на міжнародным форуме «Альтэрнатыўныя стратэгіі ўдзелу моладзі ў палітыцы», што праходзіць у Тракайскім раёне Літвы. Удзел у форуме бяруць актывісты не зарэгістраванай у Беларусі арганізацыі «Малады фронт».
«Маральныя санкцыі — выключэнне Беларусі з культурных і спартыўных арганізацый, забарона на ўдзел у міжнародных мерапрыемствах, чэмпіянатах свету, Алімпійскіх гульнях або „Еўрабачанні“ — былі б намнога больш эфектыўнымі за эканамічныя. Гэта паказвае вопыт санкцый у адносінах да былой Югаславіі, Паўднёвай Афрыкі і СССР», — цытуе Варэйкіса партал delfi.lt.
«Беларускі дыктатар можа стаць „новым Гарбачовым“ толькі ў тым выпадку, калі Еўропа стане „новым Рэйганам“, а грамадства Беларусі зразумее, што ў санкцыях вінаваты толькі рэжым Мінска», — мяркуе літоўскі дэпутат.
На яго думку, у Еўропе шмат людзей, якія лічаць, што ў адносінах з афіцыйным Мінскам «трэба саступаць і ахвяраваць каштоўнаснымі прынцыпамі ў імя эканамічнай выгады». «Вынік такой палітыкі — страта як каштоўнасцяў, гэтак і эканамічнай выгады», — падкрэсліў Варэйкіс.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары