Фота Сяргея Гудзіліна.
Фота Сяргея Гудзіліна.
Фота Сяргея Гудзіліна.
Фота Сяргея Гудзіліна.
Фота Сяргея Гудзіліна.
Фота Сяргея Гудзіліна.
Фота Сяргея Гудзіліна.
"Каля Чырвонага касцёла", naviny.by
22:30
Паведамляецца, што некалькі дзясяткаў ці да сотні людзей пратэставалі ў шэрагу рэгіянальных гарадоў. У Слуцку й Мазыры адбыліся затрыманні.
20:01
Апладысменты скончыліся, людзі разыходзяцца. Плошча пусцее.
19.53
Сярод тых, хто апладзіраваў ля «Макдональдса», ёсць памілаваныя па справе «масавых беспарадкаў» — у прыватнасці, Сяргей Казакоў. Сілавікі спакойна назіраюць за апладысментамі.
19:52
Зноў каля ГУМа і «Макдональдса» гучаць апладысменты, адна з жанчын спрабуе завесці людзей крыкамі «Жыве Беларусь!». Але адгукаюцца
19.40
Сярод удзельнікаў акцыі быў заўважаны падпалкоўнік міліцыі ў адстаўцы Мікалай Казлоў, які выкрыў фальсіфікацыі падчас парламенцкіх выбараў.
19:37
Упершыню прагучалі апладыменты следам за сігналамі аўтамабіляў. Апладзіравалі прыкладна хвіліны дзве. Міліцыя паказальна ігнаруе.
Каля Макдональдса сабралася каля 100 чалавек, група стаіць таксама каля ГУМа. Агулам каля 200–250 чалавек.
19:33
Ад
19:16
Каля ГУМа здымачная група бярэ інтэрв’ю ў раварыста ў шлеме, накаленніках ды інш. Вакол сабралася шмат народу.
18:52
Каля Макдональдса стаіць купка моладзі. Таксама купка каля ГУМа, паадзінкавыя сігналы машын, але людзей пакуль вельмі мала.
18:41
Па Кастрычніцкай плошчы ходзіць намеснік начальніка мінскай міліцыі Ігар Яўсееў, ягоны намеснік і іншыя падначаленыя.
За першай музычнай школай на вуліцы Залатая Горка курсанты акадэміі МУС у спартыўнай форме перакусваюць булачкамі.
18:41
За універсамам «Цэнтральны» два мазаўскія аўтобусы і адзін мікрааўтобус — усе без нумароў — з асобамі ў цывільным і ў чорнай спецназаўскай форме.
18:37
За кнігарняй «Цэнтральная» ў двары стаіць аўтобус MAN з міліцыянтамі, два пустыя закратаваныя міліцэйскія газікі, а таксама «жыгулі», у якіх сядзіць падпалкоўнік і нейкі высокі чын у цывільным.
Калі ісці праспектам, то кожныя некалькі дзясяткаў метраў трапляюцца фізічна дужыя хлопцы, якія ходзяць парамі.
18:25
На Плошчы Незалежнасці каля гасцініцы «Мінск» чатыры групы ціхароў (людзей у цывільным) ад двух да шасці чалавек кожная.
18:21
На Кастрычніцкай плошчы таксама ля кожнага слупа па 2–3 чалавекі ў цывільным з навушнікам. Патрулі стаяць ля Палаца Рэспублікі і Палаца прафсаюзаў. Ля Дома афіцэраў — вялікі міліцэйскі аўтобус. Але пакуль затрыманняў няма.
18:14
Ад ГУМа да Плошчы Незалежнасці на кожным скрыжаванні па 2–3 чалавекі з навушнікамі, у дварах дзяжураць міліцэйскія аўтобусікі ПАЗ. На праспекце свет народу, але гэта тлумачыцца гадзінай пік.
17:30
На ўчастку праспекта Незалежнасці ад паштамта да ГУМа шмат асобаў у цывільным. За Нацбанкам — аўтобус з супрацоўнікамі міліцыі ў форме. За Палацам Рэспублікі — два пустыя аўтобусы і чатыры мікрааўтобусы. У іх некалькі асобаў у цывільным і некалькі спецназаўцаў.
У раёне Палаца Рэспублікі — патрулі ДАІ. Злева ад палаца забаронена паркоўка, паведамляе БелаПАН.
Кіраўнік прадстаўніцтва ЕС у Беларусі спадарыня Майра Мора сёння заявіла, што паслы ЕС будуць сачыць за акцыяй.
* * *
У адрозненне ад летніх выступаў, якія былі больш стыхійнымі, 20 верасня арганізатары акцыі выставілі 9 патрабаванняў да ўладаў.
Яны пачынаюцца з эканамічных вымог, а сканчаюцца палітычнымі і культурнымі. Агульным
лозунгам акцыі 21 верасня павінна стаць: «Хопіць цярпець! — рост цэнаў, дэвальвацыю, бязмежжа міліцыі, дзяржаўную прапаганду і абяцанні ўлады!».
«Вуліца» патрабуе ад лукашэнкаўцаў гарантыі недатыкальнасьці банкаўскіх укладаў і індэксацыі заробкаў і пенсій. Яны выказваюцца за рынкавае фармаванне курса рубля, «а не стуканнем кулаком па стале».
Калі браць палітычны бок, пратэстоўцы найперш патрабуюць шырокай і адкрытай грамадскай дыскусіі пра эканамічную і палітычную сітуацыю ў краіне — дэбатаў у дзяржаўных СМІ з удзелам прадстаўнікоў улады, апазіцыі, экспертаў і эканамістаў. Акрамя таго, яны называюць неадкладнае вызваленне і рэабілітацыю ўсіх палітвязняў, спыненне рэпрэсій і рэальныя дзеянні па выратаванні беларускай мовы.
З сацыяльных патрабаванняў вылучаны ўвядзенне льготнага альбо бясплатнага праезду на грамадскім транспарце для навучэнцаў і студэнтаў усёй краіны, а таксама свабодны продаж валюты без дакументаў і рэгістрацыі здзелкі.
У Мінску ўдзельнікі акцый хочуць сабрацца на праспекце Незалежнасці на адрэзку ад гатэля «Мінск» да Кастрычніцкай плошчы на правым баку праспекту (бок ГУМа, «Макдональдса»).У рэгіянальных гарадах пратэстоўцы рыхтуюцца сабрацца на цэнтральных вуліцах гарадоў. У Гродне на Савецкай, у Брэсце — на праспекце Машэрава, у Магілёве — на Леніна, у Віцебску — на вуліцы Леніна, у Гомелі на Савецкай.
Падобныя акцыі праводзіліся ў краіне з 8 чэрвеня па 27 ліпеня штотыднёва па серадах у знак пратэсту супраць палітыкі ўладаў. Першыя акцыі былі шматлюдныя, затым актыўнасць удзельнікаў пайшла на спад. Гэтаму шмат у чым садзейнічалі жорсткія дзеянні ўладаў: разгоны і затрыманні не толькі ўдзельнікаў акцый, але і выпадковых прахожых, штрафы і доўгія адміністрацыйныя арышты найбольш актыўных грамадзян.
Перад акцыяй у інтэрнэце з’явіўсяпрома-ролік на песню «Ляпісаў» «Не быць скотам».
