Бойня ў Льежы: невядомы закідаў прыпынак з людзьмі гранатамі
6 чалавек загінула, 123 паранены, каля дзясятка — у цяжкім стане. 32-гадовы нападнік забіў сябе.
Невядомы адкрыў агонь на рынкавай плошчы ў бельгійскім горадзе Льеж. Ён забіў шэсць чалавек і параніў 123, пасля чаго пакончыў з сабой.
Сярод загінулых — двое падлеткаў. Па дадзеных паліцыі, 32-гадовы нападнік страляў і кідаў гранаты з даху будынка ў цэнтры горада, у раёне папулярнага каляднага кірмаша.
Названа імя гэтага чалавека: Нардзін Амрані. Ён раней прыцягваўся да адказнасці за незаконнае захоўванне агнястрэльнай зброі.
Раней паведамлялася пра двух і больш нападнікаў, але па дадзеных паліцыі, стральбу і выбухі зладзіў адзін чалавек. Улады не расцэньваюць напад тэрарыстычным актам.
Тэрыторыя вакол месца здарэння ачэплена.
Медыцынскі персанал аказваў дапамогу цяжкапараненым у будынку суда, зазмешчаным на плошчы.
Стан семярых чалавек ацэньваецца як цяжкі.
У гарадской лякарні лекары спрабуюць выратаваць жыццё паўтарагадовага хлопчыка, параненага падчас нападу.
Журналіст Гаспар Гражан з мясцовай газеты La Meuse апынуўся на плошчы адразу пасля нападу.
«Мы бачылі людзей з агнястрэльнымі раненнямі ў плячо, у руку, — прыводзіць яго словы агенцтва Ройтэрз, — Я бачыў людзей зусім напалоханых, яны плакалі, усе гаварылі па мабільных тэлефонах».
Раней журналіст той жа газеты Грэг Енко сказаў у інтэрв’ю Бі-бі-сі, што бачыў выбух.
«Гэта было неверагодна, — дадаў Енко. — Мы бачылі чалавека на даху, які спрабаваў забіваць людзей. Гэты чалавек забіў сябе гранатай».
Вуліцы, што вядуць у цэнтр горада, некаторы час былі блакаваныя, аднак цяпер рух па іх зноў адкрыты. Людзям спачатку было сказана заставацца ў будынках, але цяпер яны вяртаюцца на вуліцы.
Плошча Сен-Ламбэр з’яўляецца ажыўленай транспартнай развязкай, якая абслугоўвае сотні аўтобусаў. Там праходзіць калядны кірмаш, які за снежань наведвае каля 1,5 млн чалавек.
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары