Вінаградаў: Міліцыянты паказалі мне краму, каля якой я «лаяўся матам»
Адміністрацыйная справа па абвінавачанні ў дробным хуліганстве Паўла Вінаградава, лідара маладзёжнага крыла кампаніі «Гавары праўду!» «Zмена», адпраўлена на дапрацоўку. Такое рашэнне 5 сакавіка прыняў суд Маскоўскага раёна Мінска, паведаміла БелаПАН жонка маладзёжнага актывіста Святлана Вінаградава.
У зале суда Вінаградаў быў вызвалены.
Як паведамлялася раней, маладзёжны актывіст 22 лютага ўжо быў прыгавораны судом Маскоўскага раёна да 10 сутак адміністрацыйнага арышту за акцыю «Игрушко митингуэ!». Яна прайшла ў сталіцы 10 лютага ў рамках кампаніі «Хопіць ныць!», якую праводзіць «Zмена». Перад уваходам у Мінгарвыканкам актывісты маладзёжнага крыла «Гавары праўду!» размясцілі дзевяць плюшавых цацак з плакатамі. На плакатах утрымліваліся патрабаванні свабоды прэсы, вызвалення палітзняволеных і іншыя лозунгі.
2 сакавіка Вінаградава павінны былі вызваліць з Цэнтра ізаляцыі правапарушальнікаў ГУУС Мінгарвыканкама. «Калі мае дзесяць сутак практычна закончыліся і заставалася
У магазіна, дырэчы, сімвалічная назва — «Базар». «Так, за базар прыйшлося адказаць, — усміхаецца Павел. — Справу адправілі на дапрацоўку, думаю, што яшчэ пасяджу за гэты пратакол. Хаця не факт. Але я ж абавязкова знайду, за што мне яшчэ пасядзець. Сведкамі ў судзе былі, натуральна, супрацоўнікі міліцыі. Дык вось, сведкі хлусяць, я — не, усё як заўсёды».
Павел Вінаградаў быў фігурантам крымінальнай справы аб масавых беспарадках у Мінску 19 снежня 2010 года. Суд прыгаварыў яго да чатырох гадоў пазбаўлення волі ў калоніі ўзмоцненага рэжыму. 14 верасня актывіста вызвалілі на падставе ўказа прэзідэнта аб памілаванні, хаця прашэння на імя Аляксандра Лукашэнкі ён не падаваў.
Цяпер чытаюць
На свой дзень нараджэння Зяленскі з Наўроцкім, Наўседам і Ціханоўскай у Вільні ўшануе памяць Кастуся Каліноўскага5
Каментары