Мінулай ноччу бел-чырвона-белы сцяг залунаў на цеплатрасе над ажыўленай вуліцай Максіма Горкага, ля чыгуначнага пуцеправоду мінскай веткі.
Сцяг быў прымацаваны такім чынам, што яго было відаць кіроўцам і пасажырам грамадскага транспарту — гэта прамысловы раён Віцебску, і шмат хто мог бачыць нацыянальны сімвал па дарозе на працу.
Да сцяга была прымацавана цыдулка з такім тэкстам:
«Гарантам нашай незалежнасці з'яўлялася легітымная канстытуцыя 1994 года. Антыканстытуцыйны пераварот у лістападзе 1996 г. быў д’ябальскай падрыхтоўкай да аншлюсу Беларусі. Пакуль не позна, трэба яднаць усе беларускія сілы пад сцягам легітымнай Канстытуцыі 1994 года. Мірон».
Каментары