Навіну пра тое, што лівійскія вайскоўцы праходзілі ў Беларусі курсы павышэння кваліфікацыі, размясціла на сваёй старонцы ў фэйсбуку Лівійская нацыянальная армія, заўважыла «Радыё Свабода».
Прэс-служба лівійскай арміі выклала фотаздымкі падрыхтоўкі вайскоўцаў 36-га батальёна спецназа Лівійскай нацыянальнай арміі, зробленыя, верагодна, у Беларусі ў канцы лютага 2025 года. На кадрах — навучальны цэнтр МУС «Валаўшчына».
Батальён падпарадкоўваецца сыну лідара арміі Садаму Хафтару. У паведамленні адзначаецца, што стажыроўка лівійскіх спецназаўцаў у Беларусі адбывалася па загадзе кіраўніка ЛНА Халіфы Абу аль-Касіма Хафтара.
Сёлета Аляксандр Лукашэнка прымаў вярхоўнага галоўнакамандуючага Лівійскай нацыянальнай арміі (ЛНА) Халіфу Абу аль-Касіма Хафтара. Летась Лукашэнка сустракаўся з ягоным сынам Садамам Хафтарам, а пасля гэтага з’явілася інфармацыя пра пастаўкі ў Лівію беларускай зброі.
Сёння таксама з'явілася інфармацыя пра візіт у Лівію прадстаўнічай дэлегацыі беларускіх чыноўнікаў, сярод якіх віцэ-прэм'ер Уладзімір Каранкевіч, старшыня КДБ Іван Церцель, міністр адукацыі Андрэй Іванец і іншыя.
У Лівію паляцела з неанансаваным візітам прадстаўнічая дэлегацыя беларускіх чыноўнікаў
Лівійская дэлегацыя абмяркоўвала ў Мінску ўзмацненне ВПС і мадэрнізацыю вайскова-марской базы ў Табруку
Лукашэнка — лівійскаму фельдмаршалу: Вы прыехалі да сваіх сяброў, да сябе дадому
Лівійскага фельдмаршала Хафтара ў Мінск прывезлі на самалёце Лукашэнкі
У Беларусь прыляцеў галоўнакамандуючы Лівійскай нацыянальнай арміі з сынам і генераламі
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары