30 сакавіка часопіс «Дзеяслоў» уручыў сваю літаратурную прэмію.
Ганараванне лаўрэатаў адбылося на сядзібе Саюза беларускіх пісьменнікаў у Мінску.
Пераможцамі сталі: у намінацыі «Проза» — Ігар Бабкоў (раман «Партрэт мастака, нябачны ў сутонні», друкаваўся ў «Дзеяслове» № 53), у намінацыі «Паэзія» — Віктар Жыбуль («Мая каляровая рэвалюцыя», № 53), у намінацыі «Дэбют» — Алесь Плотка («Шлю паштоўку арыштанту», № 52).
Таксама прэмію часопіса «Дзеяслоў» і Алеся Усені «За ўклад у развіццё сучаснай беларускай літаратуры» атрымаў Кастусь Цвірка.
Літаратурная прэмія «Залаты апостраф» заснаваная ў 2003 годзе рэдакцыяй часопіса «Дзеяслоў», аўтары якога і становяцца намінантамі.
Каментары