20 сакавіка ў эфір выйшаў першы выпуск інтэрнэт‑радыё «Твой стыль». Перадача мае хранамэтраж 15 хвілін і ўключае ў сябе блок гарадзенскіх навінаў, а таксама дзве аўтарскія праграмы.
У Горадні пачало вяшчанне першае інтэрнэт‑радыё
20 сакавіка ў эфір выйшаў першы выпуск інтэрнэт‑радыё «Твой стыль». Перадача мае хранаметраж 15 хвілін і ўключае ў сябе блок гарадзенскіх навінаў, а таксама дзве аўтарскія праграмы: «Музычная гасцёўня» і «Прафстайл». Слухаць радыё можна па адрасе http://t‑styl.info
‑ Гэты выпуск падрыхтаваны слухачамі «Школы маладога журналіста» і, ў асноўным, скіравана на моладзевую аўдыторыю, — паведаміў «Пагоні» рэдактар інтэрнэт‑радыё Алесь Залеўскі. — Абнаўляць праграму напачатку плануем раз на два тыдні, але ў перспектыве гэта, канечне, on‑line.
Галоўнай асаблівасцю радыё, паводле словаў Алеся, з’яўляецца тое, што гэта адкрыты рэсурс.
‑ Кожны жадаючы мае магчымасць паспрабаваць сябе ў якасці журналіста нашага радыё, — гаворыць ён. — Любы гарадзенец, калі мае нейкую ідэю ў гэтым накірунку, можа прыйсці да нас. Калі ягоная ідэя спадабаецца нам, то рана ці позна ён будзе ў эфіры.
Радыё ўваходзіць складовай часткай у інтэрнэт‑праект «Твой стыль», які рэалізуе грамадскае аб’яднанне «Трэці сэктар». Акрамя радыё, гэты праект прадугледжвае выпуск on‑line газеты.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары