Дэмакраты вінавацяць дакументальны фільм «Амерыка Абамы: 2016» у неаб'ектыўнасці.
У пятніцу ён выйшаў на экраны больш чым тысячы кінатэатраў і зарабіў $ 2,2 млн. Паводле прагнозаў аналітыкаў, усяго за выходныя ён збярэ больш за $ 8 млн і ўвойдзе ў пяцёрку самых папулярных фільмаў тыдня.
Кінастужка «Амерыка Абамы: 2016» створана на аснове бэстсэлера кансерватыўнага калумніста Дынэша Д’Саузы «Карані гневу Абамы». У трэйлеры фільма Д’Сауза распавядае аб сваім імкненні раскрыць разуменне Абамам светабудовы праз лёс яго кенійскага бацькі.
Дэмакраты заявілі, што кінастужка заклікана дыскрэдытаваць Абаму ў вачах выбаршчыкаў перад прэзідэнцкімі выбарамі, і абвінавацілі яе стваральнікаў у тэндэнцыйнасці. Як можа кенійскі бацька паўплываць на Абаму наймацней, калі яго выгадавала белая маці і яе тата, ветэран Другой сусветнай, кажуць лібералы.
У мінулым на экраны ЗША выходзіў фільм «Фарэнгейт 9/11» Майкла Мура, крытычны да Джорджа Буша. Ён таксама заваяваў рэкордную аўдыторыю.
У Беларусі немагчымы не тое што паказ у кінатэатры фільма, крытычнага пра Лукашэнку, але і найменшая крытыка кіраўніка дзяржавы ў публічнай сферы.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі16
Каментары