У першай серыі ахвяру труцяць проста пасярод дня ў фіякры ядам, якім, як мяркуецца, забілі Аляксея Навальнага.
У сярэдзіне красавіка на экраны выйшаў новы сезон легендарнага серыяла 90-х. Ён мае назву «Камісар Рэкс. Вена выклікае».
У першым сезоне абяцаюць шэсць серыяй, прэзентаваныя пакуль дзве, потым кожны тыдзень будзе дадавацца па адной.
У сярэдзіне 1990-х, як выйшаў на экраны першы сезон, вуліцы беларускіх гарадоў і вёсак выміралі. Школьнікі і студэнты кідалі свае справы і беглі дахаты глядзець тэлевізар.
Першая серыя новага сезона пачынаецца звыкла. Камісар паліцыі Вены са сваім напарнікам (ці наадварот, Рэкс са сваім напарнікам?) увязваюцца ў адну справу.
Потым ідзе знаёмая кожнаму застаўка: касцёл сабора Штэфана, Рэкс адбірае бургер у напарніка галоўнага героя, фірмовы яго скачок і аўтограф лапай пад тую ж самую музыку.
У першай серыі ахвяру з маніяй пераследу (ён усім прадстаўляецца як Ян Флемінг) проста пасярод Вены забілі ядам, якім забілі Аляксея Навальнага — ядам паўднёваамерыканскай жабы-дрэвалаза. Яд проста нанеслі на шыю, і мужчына нават не паспеў расплаціцца за паездку.
Рэкс (яго поўнае імя Рэджынальд фон Равенхорст Восьмы) і інспектар Макс Штайнер бяруцца за справу.
Усё як у ранейшых фільмах. Рэкс спрытна бегае, можа ўнюхаць торбу з грашыма. І таксама яго фірмовы скачок з ударам лапамі па грудзях.
Што дадалося новага?
На галаву галоўнаму герою — Максу Штайнеру (актор Максімільян Брукнер) — звалілася паўналетняя дачка, якая нечакана вярнулася з Парагвая. Пачынаецца канфлікт бацькоў і дзяцей. У вечна занятага Штайнера на дачку няма часу.
Ну і новыя тэхналогіі і трэнды апошніх гадоў. Меркаванага злачынцу падазраюць у зборы бомбы. Як так? Напарнік Штайнера кажа, што, відаць, той падгледзеў ролік у Ютубе.
А жабу-дрэвалаза можна замовіць у даркнэце за 60 еўра.
«Камісар Рэкс» выйшаў на экраны ў 1994 годзе. У першых сезонах Рэкс дапамагаў інспектару Рыхарду Мозэру (актор Тобіяс Марэці), затым пасля яго гібелі галоўным героем зрабіўся Аляксандр Бранднэр (актор Гедэон Буркхарт), потым Марк Хофман. Пасля 10 сезонаў серыял перанеслі на тры сезоны ў Рым. Пасля ўвогуле закрылі. Увосень 2024 года было заяўлена, што серыял адновяць.
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка10
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары