Сем’ям загінулых у Самалі членаў экіпажа Іл‑76 пералічана па 15 тыс. даляраў
Усе дакумэнты перададзены ў страхавыя кампаніі «Белдзяржстрах» і «Прамтрансінвэст».
Сем’ям адзінацацці загінулых у Самалі беларускіх лётчыкаў і авіяінжынераў кампаніі «Трансавіяэкспарт» пералічана па 15 тыс. долараў ЗША. Пра гэта БелаПАН паведаміў дырэктар авіякампаніі Іван Гярлоўскі.
Паводле яго слоў, усе неабходныя дакументы перададзены ў страхавыя кампаніі «Белдзяржстрах» і «Прамтрансінвест» і 14 красавіка грашовыя сродкі павінны паступіць на банкаўскія рахункі атрымальнікаў страхавых выплат.
Нагадаем, 23 сакавіка самалёт Іл‑76 EW‑78849, які належыць РУП «Авіякампанія «Трансавіяэкспарт» і які вывозіў з Самалі дэмантаванае абсталяванне, знятае з пацярпелага 9 сакавіка крушэнне другога беларускага самалёта Іл‑76, быў збіты над Магадзіша. Усе 11 грамадзян Беларусі (экіпаж і тэхнічны персанал), якія знаходзіліся на борце, загінулі.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары