Юшчанка супраць Януковіча
Леанід Кучма не зьбіраецца парушаць канстытуцыйную норму, якая абмяжоўвае прэзыдэнцтва двума тэрмінамі. 3 ліпеня ва Ўкраіне афіцыйна пачалася кампанія па выбарах прэзыдэнта, якія адбудуцца 31 кастрычніка. Шанцы на перамогу маюць толькі два кандыдаты: экс-прэм’ер, лідэр апазыцыйнага выбарчага блёку «Сіла народу» Віктар Юшчанка і цяперашні прэм’ер-міністар, кандыдат ад Партыі рэгіёнаў Віктар Януковіч.
З блаславеньня маці
Паводле зьвестак сацыёлягаў, Віктар Юшчанка на сёньня мае падтрымку 24% выбарцаў — ён лідэр сярод кандыдатаў. 3 ліпеня Юшчанка разам зь сям’ёй наведаў сваю родную вёску Харужаўка Сумскай вобласьці. Сваю кампанію ён пачаў з блаславеньня сваёй 85-гадовай маці на змаганьне за пасаду кіраўні-ка краіны. «Няхай Бог дапаможа табе ў тваіх добрых справах», — сказала Варвара Юшчанка свайму сыну, перахрысьціўшы яго.
Прылюдна пра сваё рашэньне змагацца за прэзыдэнцкую пасаду Віктар Юшчанка абвясьціў 4 ліпеня на Пеўчым полі ў Кіеве, дзе сабралі-ся дзясяткі тысяч ягоных прыхільні-каў з усіх регіёнаў Украіны. Выбарчы штаб лідэра «Нашай Украіны» сьцьвярджаў, што падтрымаць першы крок Віктара Юшчанкі ў прэзыдэнцкіх выбарах прыехалі 100 тысяч прадстаўнікоў з усіх 35000 акругаў краіны. Паводле іншых ацэнак, іх было ўдвая меней, але ўсё адно гэтая акцыя нагадала ўсім часы змаганьня за незалежнасьць на пачатку 90-х. Перад пачаткам мітынгу сваю падтрымку Юшчанку засьведчыў шэраг знаных ва Ўкраіне сьпевакоў, у тым ліку «Воплі Відаплясава» ды «Океан Ельзи».
«Віру, знаю — можемо»
Прамаўляючы перад шматтысячным сходам, Юшчанка паабяцаў, што ў выпадку яго абраньня Ўкраіна стане некарумпаванай эўрапейскай дзяржавай, а кожны чалавек атрымае магчымасьць годнага жыцьця: «Карупцыі будзе пакладзены канец. Бандыты будуць сядзець у турмах. Я прашу ў Бога ласкі й любові для Ўкраіны. Я выйграю выбары. Гэта будзе перамога нас усіх». З поля пад гукі казацкага маршу Віктар Юшчанка ў суправаджэньні шматтысячнага натоўпу, што запоўніў некалькі кіеўскіх вуліц, рушыў да Цэнтральнай выбарчай камісіі.
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
Сяргей Радштэйн
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй21
Каментары